قطع الغيار الأصلى::
 

يا جماعة طبعا كلنا بنحب نشترى قطع الغيار الأصلى علشان تكون مضمونة وتدى أحسن خدمة وتعيش أطول وقت. أنا لسة شارى عربية مستعملة ودى أول عربية لى، وحابب أكون فى المضمون وأشترى قطع غيار مضمومنة برضوا.

ومن هنا ظهرت المشكلة. المشكلة فى أنى عاوز أشترى قطع غيار أصلى للعربية الماتركس الهيونداى ومش عارف أشترى منين علشان يكون قلبى مطمئن. لهذا أرجو من كل من لدية عربية ماتركس أن يضع أسم ومكان الموزع الذى أشترى منه قطع الغيار وثمنها إن أمكن من أجل تكوين ما يشبه سجل يعتمد عليه لتوفير قطع الغيار الأصلى. وعلشان أبدأ بنفسى أقول لكم

لسة متصل بالشاذلى اللى على الطريق السريع مصر أسكندرية. قال لى طقم السيور ( كاتينة - بور - دينامو - تكيف ) الأصلى بتاع غبور يعملوا 350 جنية ، 2 بلية كاتينة 165 جنية ومصنعية التركيب بعد الخصم 175 جنية... اعتقد أن المصناعية مبالغ فيها وثمن السيور فيها زيادة برضوا شوية...

رد: قطع الغيار الأصلى::
 

الحقيقة ماعنديش فكرة عن تقدير اسعار قطع غيار الماتريكس
لكن اللى اعرفة ان الحاجه الاصلى دايما بتبقى استيراد وده اضمن
ولا حضرتك تقصد الجديد الموجود بالسوق كـ صينى مثلا(يبقى ده مش كويس) وكورى (يبقى اصلى) وكده ...؟؟؟؟؟
لو ده قصد حضرتك يبقى اكيد فى تجار بعينهم معروفين بأمانتهم وعدم الغش واعتدالية اسعارهم(ما السوق فيه الكويس والوحش) وان شاء الله مالكى الماتريكس هايوجهوك افضل منى لخبرتهم
ربنا يوفقك:1281F1~121:

رد: قطع الغيار الأصلى::
 

الحقيقة أنا مش بتكلم عن الماتركس بالتحديد. أنا بتكلم على جميع قطع غيار سيارات هيونداى غبور. فى ناس كثيرة بتعمل الصيانة مش فى التوكيل يعنى عند ميكانيكى شاطر مثلا وصاحب السيارة يشترى قطع الغيار. طبعا القطع الغيار الأصلى أهم حاجة. هنا السؤال::::

هل كل كورى الصنع هو قطع غيار أصلى؟ أم قطع الغيار ممكت تكون من أى بلد ويمكن الألمانى أو الإيطالى يكون أحسن؟

أريد من أحباء المنتدى أسماء بعض التجار فى القاهرة وطنطا للى بيبعوا قطع غيار زى اللى عند عم غبور بالضبط. لان هذا هيكون أحسن من أن أروح لواحد يدينى سير كتينة مثلا ويطلع مضروب وأنا مش هعرف لانى مش عندى خبرة...