مصر موتورز مجتمع السيارات - تجربه التعامل مع مركز المتحده

السلام عليكم
ازيكم يا شباب..بقالي كتييييييير قوي مدخلتش المنتدى
انا احمد اخ جديد ليكم هنا في اسبيرانزا
اخباركم ايه
الحمد لله ربنا اكرمني و رحت مركز المتحدة اللي على الدائري لان ربنا الحمد لله اكرمني بعربيه M11
بجد ده اكتر مكان انا ارتحت فيه و للناس اللي فيه
تحس ان فيه نظام كده مش كفته
كل واحد هناك عارف هو بيعمل ايه و ازاي
اكتر ميزة عجبتني ان اي صيانه العربيه تحتاجها هتلاقيها هناك..حتى قطع الغيار
يعني من الاخر انت اكنك في مصنع عربيات
و الناس هناك ودوده قوي و بجد ارتحت معهم و هم بجد والله ناس محترمه
اخص بالذكر الاستاذ محمود و الطقم الفني كله حسين و وائل تحس انهم ولاد بلد و جدعان معاك مش ناس بتعمل شغل و بس
ربنا يوسع عليهم و يا رب و يكبروا المكان بتاعهم كمان و كمان

اللي اتعمل في العربية بحكم انها طبعا كانت مرفوعه فترة طويله
تيش علبه الدريكسيون كان سايب و كبسناه
تربيط عفشه كامله بعد كده
تغيير بلي العجل الامامي
تغيير كف مرايا
رجلاش فرامل خلفيه
ظبط فبرة الكلاكس
كشف تاني بالكمبيوتر على العربيه كامله و ملاحظة عامه عليها لتدارك اي حاجات في المستقبل ان شاء الله
والحمد لله العربيه كويسه..محتاجة بس كاوتش جديد لان القديم شقق من الركنه.
في النهايه مش هقولهم الا ربنا يجزيكم خير بظهر الغيب