انطباعك ايه علي الصني بكل امانه
 

ياريت اي حد يملك نيسان صني يقول انطباعه ايه علي العربيه وياريت يذكر الموديل وهل هي اكس صالون ولا سوبر ومونيوال ولا اتوماتيك ويقولنا لو في اي مشاكل قابلته سواء في العربيه او التوكيل لتعم الفائده وهبدا بنفسي انا عربيتي صني اكس صالون اوتوماتيك مو2012 اللون فيراني الحمد لله انا راضي علي العربيه جدا بس عفشتها نشفه شويه بس هتعود عليها مع الوقت اما بخصوص مركز الخدمه فانا لسه مكملتش الاف كيلو بس لما اروح مركز الخدمه اللي في المنصوره اكيد هقولكم انطباعي العيب اللي انا ملاحظه جدا ضيق في الكنتبه الخلفيه وده ياريت نيسان مصر تلاحظه وتحاول تغير التعديل بتاع الكنبه الخلفيه عشان العيب بقاله 6 سنين في النيسان صني من بدايه تقفيلها في مصر 2005وشكرا

رد: انطباعك ايه علي الصني بكل امانه
 

بسم الله الرحمن الرحيم
الف مبروك عليك يا باشا وربنا يبارك لك فيها
انا عربيتي موديل 2011 اتوماتك من غير ABS انطباعي عن السيارة اوجزه فى الاتي
- العربية جيدة جدا من حيث المتانة والاجزاء والموتور وهي سيارة جيدة بكل المقاييس لكن هناك بعض الاشياء (الحلو مايكملش)منها اني غير مستريح لكرسي السائق ويرجع هذا لاحساسي الدائم بعدم راحة الرجل اليمني العضلة الخلفية دائما احس بالم ما بعد القيادة لمسافات طويلة او فى الزحام الشديد واعتقد رجوع ذلك لان المقعد واطي حتي بعد رفعة او محاولة ظبطه بكل الاشكال عربيتي السابقة شاهين لم اكن اشعر بهذا الاحساس تماما
الفتيس الاتوماتك جيد جدا ولكن تكنولوجيته اقديمه يرجع الى فترة التسعينات اشعر بتاخير ما بين النقلة الاولي والثانية فى بعض الاحيان
اذا اردنا ان نقيم التعليق الخافى للسيارة ستجد النيسان تقع فى الوسط ما بين التعليق المستقل الكامل فى لانسر علي سبيل المثال وهو ما يعطي الحرية الكاملة للعجلة الخلفية عند الهبوط او الصعود فى المطبات ويؤدي ذلك لعدم الاحساس الكامل بالمطبات وما شابه اما الاسوء وهو التعليق المتصل الخلفي ويتمثل فى وجود اتصال مباشر بين العلتين الخلفيتين مما يؤدي بالاحساس الكامل بكل طوبة فى الطريق ومثال علي هذا التعليق (سيراتو الموديل الحديث) وتقع الصني في المنطقة الوسطي بتعليق خلفي شبه مستقل بحيث يجمع بين النظامين السابقين فهو اقل من لانسر وافضل من سيراتو
استطيع ان اقول وبكل امانة ان سحب البنزين ليس بالاستهلاك الرائع لليارس مثلا ولاهو سيئ للغاية كبعض السيارات الاخري معدل جيد من غير التكيف مثلا الترالواحد حوالي 9 -9.5 كيلو داخل المدينة ويقل بالطبع مع استخدام التكييف ليصل ال 8.5
وبشكل عام السيارة ممتازة بمكوناتها اليابانية وتحملها الشاق وكونها سيارة اسرة واعتقد اني
قمت بالتقييم بناءا على التجربة وحتي اكون صادقا معك مسالة التعليق الخلفي لااشعر به
وشكرا

رد: انطباعك ايه علي الصني بكل امانه
 

اشكرك جدا يا استاذdeebo علي تقييمك للسياره وربنا يباركلك فيها ويكفيك شرها

رد: انطباعك ايه علي الصني بكل امانه
 

بصراحه شديدة العربيه ممتازة ممكن يكون العفشه ناشفه شويه يعنى مش بتحسسك بالرفاهيه الجامدة , لاكنها بردة معمرة بشكل ملحوظ , كمان تقفيل الصالون ذات جودة عاليه لاكن اصبح قديم بعض الشىء .... من نسبه للموتور وكدة مش محتاج نشكر فى نيسان كتير
اه صح نسيت اقولك انى معايا صنى 2002 اتوماتيك
بس مش عارف هل صنى الجديد يفرق جامد عن اللى معايا ولا لا

رد: انطباعك ايه علي الصني بكل امانه
 

الصني الجديد بيفرق بس في الشكل الخارجي اما داخليا فالاتنين واحد والموتور 1600 سي سي وشكرا علي مرورك