رد: لانسر 1300 اتوماتيك خليجى ايه مميزاتها و عيوبها ؟
 

اللانسر بوجه عام عربيه اثبتت كفائتها في مصر وهي عربيه اكتر من ممتازه
1300 جميله جدا وان كان عيبها الوحيد التسارع ضعيف في العربيات الاوتوماتيك ... لكن في المانيوال 1300 كويسه
1600 طبعا اقوى بكتير وتسارع عالي جدا اعلى من عربيات كتير اوي اغلى منها كمان والعربيه 1600 انا جبت بيها 185 كم في الساعه وكانت اوتوماتيك والتكييف شغال
طبعا قطع الغيار بتاعتها ارخص كتير اوي من الهوندا والنيسان والتويوتا
شكلها شيك اوي وماشي كلاسيك وماشي سبورت حسب الاوبشن
في رأيي ...... من احسن العربيات في السوق المصري في فئتها وعن تجربه
وبالنسبه لل 1300 اللي الكل بيقول ضعيفه .... انتو بتقارنوها ليه ب 1600
لو قارنتو لانسر 1300 باي عربيه تانيه 1300 في مصر مش هتلاقو مقارنه ....والتويوتا 1300 ( الياريس ) عربيه فاشله وكانت معايا قبل اللانسر اللانسر اثبت منها واقوى منها بكتير

رد: لانسر 1300 اتوماتيك خليجى ايه مميزاتها و عيوبها ؟
 

يا رجل حرام عليك انا اول مرة اسمع كدة علي الانسر

رد: لانسر 1300 اتوماتيك خليجى ايه مميزاتها و عيوبها ؟
 

هى سياره فاشله

رد: لانسر 1300 اتوماتيك خليجى ايه مميزاتها و عيوبها ؟
 

عربيه حلوه وفراملها كويسه جدا وعن تجربه مفهاش اي عيوب غير ان لو 1300 سي سي واوتوماتيك هتبقه رخمه اوي فى السحب و ضعيفه فى الجري غير كده كله تمام

رد: لانسر 1300 اتوماتيك خليجى ايه مميزاتها و عيوبها ؟
 

معلش للاخ اللى اجاب بان السيارة تقيلة وغير مسرعة بالمرة وانها مع التكييف بتكون بحجم سيارة 800 cc
انا معى بومة 2008 مواصفات خليجى وكل شغلى الغردقة والطريق ده طبعا معروف ... اقسم بالله ان السبارة تصل الى 180 وهى مرتاحة جدا وثبات عالى على الطريق علما بان تسارعها اصلا فى كتاب التوكيل 140 لكن حين تصل الى 180 فقط الار بى ام يعلى بعض الشئ ... اما من حيث الفرامل فهى اكثر من رائعة رغم انها ليست abs ولكنى اشعر بها وبكافئتها دون انزلاق
وبخصوص قطع الغيار فهى متوافرة واسعارها بالنسبة لكونك راكب عربية يابانى طبعا اسعار معقولة وفى من اى قطعة غيار الصينى والتركى والتيوانى وخلافة يعنى ده مش عيب سيارة
من الاخر سيارة مميزة وثابته ورائعة

عيبها الوحيد

ان السيارة الاتوماتيك .... تكون بطيئة بعض الشئ الى ان تصل سرعتها بالتجميع الذاتى للفتيس الاتوماتيك الى 80 بعدها ....خلى بالك لان السيارة بتفتح بشكل انسيابى ولا ضغط على الماتور وتحتاج لطريق مفتوح وامشى يا معلم واتمتع

اما بخصوص البنزين
مش قادر اقولك موفرة بشكل رائع بس يفضل ان كل مرتين او ثلاثة تفويل بنزين 92 طبا تفول مرة كده 95 علشان ده بيعمل دورة غسيل كاملة

وبالنسبة للزيت
فيما يخص الماتور
ياريت بعد كل ثلاث تغيرات تغير مرة بسرعة يعنى على الف ك كده لانه ده بيعمل دورة غسيل كاملة لدورة الزيت

اما بخصوص الفتيس
فيجب تغير التزيت كل اربعين الف كيلو وافضل لو ضحيت شوية وغيرت على 30 او 35 كله بيحافظ على عربيتك

اما بخصوص الفرامل
فكل 20 الف ك يتم تغير التيل

اما بخصوص الصيانة
فالسيور اجمعها وبلية الدريك يتم تغيرهم كل 80 الف ك
وانصحك بتربيط العفشة ولو كل 20 يوم لان شوارعنا الله واكبر عليها

وانصحك بمتابعة ضغط الهواء فى الاطارات مرة كل اسبوع

وانصحك بمتابعة دورة المياة مرة كل اسبوع

وانصحك بمتاعبة كافة انواع الزيوت ( فرامل - باور وخلافة )
بس ياريت لا تستهون بشئ وتهتم بكل شئ فى السيارة وان تفضل قطع الغيار الاصلية

وتمتع بالسيارة حتى لو عملت بها 500 الف ك كانها لسه زيرو :GROWIN~12: