|
رد: لانسر 1300 اتوماتيك خليجى ايه مميزاتها و عيوبها ؟
أقسم بالله 30 مرة العربية اللانسر دي جوهرة ولا تقارن بأي سيارة أخري في فئتها السعرية !!!!!!! والدي عنده لانسر 1600 سي سي موديل 2006 زي الفل ...!!! قطع الغيار غالية صحيح ( الدسك و الاسطوانة مثلا-الاصلي توكيل - بـ 1800 جنيه بس اهو لسة مغيرها و احنا داخلين في 5 سنين و 80 الف كيلو !!!) اعتمادية ممتازة و راحة ممتازة و والدي اصلاً عمره ما عدا الـ 120 ... على فكرة عمي كان راكن العربية قدام صيدليته و دخلت فيها عربية بيجو 504 ستيشن ماشية بسرعة رهيييبة .. اقسم بالله العلي العظيم اقسم بالله و اللي عايز يتأكد انا جاهز ... وش البيجو 504 ادرمغ ( الكبوت اتطبق بقا عامل زي حرف 8 ) و كل فوانيسها اتكسرت و الاكصدام الحديد وقع لكن مفيش اي حاجة تانية حصلتلها !!!!! اللانسر فانوسها الي العربية الـ 504 دخلت فيه سليم و لغاية دلوقتي شغال !!!!!!!!! و الاكصدام مكانش فيه اي عيوب ظاهرة غير انه وقع شوية .. راح للراجل فكهوله طلعت الكلبسات بتاعته اتكسرت و يادوب ركبله كلبسات الاكصدام ( الفيبر ) رجع زي الفل !!!!! تقفيل السيارة ياباني ( الصني و التويوتا مصري ) ودا الي خلا والدى في 2006 يجيب لانسر مش صني ... بصوا يا جماعة اللانسر دي جوهرة و اللي مش متأكد يروح يجربها لان بصراحة دي اخر عربية ممكن اتخيل ان حد يفكر يقول عليها كلام لا يعقل خالص !!!!!!!! يا جماعة بلا سيراتو بلا النترا بلا بتاع اللانسر هي الاصل و الباقي تقليد ANAA7TGANAA7TG |
رد: لانسر 1300 اتوماتيك خليجى ايه مميزاتها و عيوبها ؟
انا معايا لانسر 1300 صحيح العزم بيقل اما بشغل المكيف لكن اول اما بتفتح فى الجرى مبتحسش بفرق كبير والفرامل 100% ممتازة والثبات ممتاز يعيبها ان عزلها شوية تعبان تحس انك ناشى بعربيه مكشوفه من الصوت اللى برة
|
رد: لانسر 1300 اتوماتيك خليجى ايه مميزاتها و عيوبها ؟
لانسر 1300 اوتو عييبها طلعتها ضعيفة جدا جدا بس زي اي عربية بعد سرعة المية بيبتدي تجميعها يبقي كويس الكلام ده عن تجربة عربية معايا 3 شهور غير من 2 اصحابي في الشغل و نروح الشغل مسافة 150 كيلو في اليوم
|
رد: لانسر 1300 اتوماتيك خليجى ايه مميزاتها و عيوبها ؟
الهيكل تقيل على 1300 سي سي
لاينصح باقتنائها |
رد: لانسر 1300 اتوماتيك خليجى ايه مميزاتها و عيوبها ؟
المميزات! توافر قطع الغيار بفئات سعرية متفاوتة-1
نعومة في السحب -2 صوت موتور واطي جدا و عزل اكثر من رائع ( تعيش في دنيا تانية خالص بعيد عن الشارع)-3 بالنسبة للفرامل عادية مش اي بي اس بس كويسة جدا -4 اعتمادية ما بعدها اعتمادية (حتى لو استخدامك سيء و مبتعملش صياينات و عداد معجي ال 100 الف العربيه مفيش مره حتقولك طيب انا مش دايرة!!) بس الاداء حيقل و حتسمع اصوات طبعا -5 شكلها حلو و مقبول و قابل للتعديل و الاضافات بسهولة-6 كمالياتها اكتر من كافية -7 العيوب: 1- عدم وجوج فرامل اي بي اس 2- تسارع بطيء نسبيا و سرعة قصوى قليلة ( انا اخري بيها 150 بس اخويا جاب 185 و مصورها) 3- تكييف ضعيف شوية بس بيسقع برضه لكن بياخد وقت 4- موديل بقى قديم شوية و انتشارها يقلل من تميزها ( بس عامل مهم لتوفر قطع الغيار و سعر بيع جيد) |
| الساعة الآن 03:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017