مصر موتورز مجتمع السيارات - البروتون جين 2 يا ستاذ مهاب

مصر موتورز مجتمع السيارات (https://www.masrmotors.com/vb/index.php)

- بروتون PROTON (https://www.masrmotors.com/vb/forumdisplay.php?f=40)

- - البروتون جين 2 يا ستاذ مهاب (https://www.masrmotors.com/vb/showthread.php?t=11396)

البروتون جين 2 يا ستاذ مهاب

شكرا اولا علي الاهتمام والرد علي في السيارة السابقة البروتون واجا
اصل الموضوع في عربية بروتون جين 2 معروض علية موديل 2007 بسعر 60000ج
الكيلو متر 43000 العربية فابريقة جميع الكماليات فول اوبشن مانيوال مش راشة
ارجو سرعة الرد علية المرادي علشان صاحب العربية مسافر بعد بكرة علشان الحق اخلص المرادي اصل تعبت من الدوران
يارت الرد يا استاذ مهاب علي بسرعة من نحية السعر واسعار قطع الغيار!!!!!!! وامكانية البيع................

ptmnlo123per1106ptmnlo123 per1106

رد: البروتون جين 2 يا ستاذ مهاب

علي فكرة العربية عايزة ايضا طقم كاوتش جديد واعتقد طقم سيور ايضا بس ممكن يستحمل شوية بس يارت تقول طقم سيور الموتور بكام .

رد: البروتون جين 2 يا ستاذ مهاب

الجين2 عربية ادائها ممتاز جدا بس عيبها قطع غيارها مش متوفرة اوى الافى التوكيل

رد: البروتون جين 2 يا ستاذ مهاب

شكرا بس السعر مناسب ولا غالي علية .

رد: البروتون جين 2 يا ستاذ مهاب

اسف انى اتأخرت فى الرد على حضرتك ...
العربيه بالسعر ده كويسه جدا

2007 , 43000 كيلو ..... يعنى لسه فى الضمان و لو حصل ان اى حاجه باظت فى العربيه حتغيرها فى الضمان , و ديه ميزه مهمه جدا يعنى كأنك جايب العربيه من الزيرو .

و على حسب كلامك انها فابريقه بالكامل يبقى السعر بصراحه اكتر من ممتاز
لو الجين 2 عجباك يبقى توكيل على الله و اشتري العربيه ديه .... بس اكشف عليها كويس جدا و اتأكد من موضوع الصيانات الدوريه

طبعا العربيه محتاجه كاوتش لان الكاوتش الى بينزل فيها مش اوى ... و العربيه كمان عدت ال 40,000 الى هو العمر الافتراضى لاى كاوتش .
الحاجه التانيه لو مكانتش عملت صيانه ال 40 .. يبقى حتضطر تعملها فورا ... و ديه بتبقى تغير زيت , فلتر زيت . فلتر هواء , فلتر بنزين , بوجيهات , سائل تبريد الريداتير , زيت فتيس , تربيط عفشه , و بيتم الكشف على تيل الفرامل فى الامام و الخلف .

السيور بالكامل فى الجين2 .. عمرها الافتراضى من شركه بروتون ...5 سنين او 100,000 كيلو ..... و التوكيل فى مصر بيغيرهم عند 60,000 ....... يعنى لسه بدرى جدا على تغير السيور .

تغير السيور و البليه فى التوكيل حيبقى مكلف و غالى تقريبا فى حدود 1500 جنيه .... نصيحه لو ربنا وفقك و اشتريت العربيه ... ابقى اشتريهم من محل المدينه فى شارع دمشق و غيرهم على 80,000 كيلو كحل وسط و مش حيكلفوك كتير .

* نقطه اخيره فى موضوع قطع الغيار ... قطع غيار الجين2 متوفره فى محلات معينه ... المدينه .. اولاد علام .. منصور .. مكه .... دول متخصصين بروتون و حتلافى عندهم معظم قطع الغيار الاستهلاكيه الى الواحد بيحتاجها بصفه دوريه + الصاج الفوانيس ... الخ موجودين بره التوكيل ب اسعار و جوده متفاوته من الرخيص الى الغالى .

ربنا يوفقك لما فيه الخير ان شاء الله .... و تحت امرك فى اى استفسار .