السلام عليكم
أنا عندي مشكلة بقالها فترة و قربت افقد الامل خلاص
الفكرة إن المشكلة دي بتظهر و بتختفي و ملهاش مواعيد ثابتة ولا أي دلالات
العربية عندي موديل 99 1600 cc مانويال
فجأة وأنا ماشي لما آجي اهدي على مطب مثلا أو وأنا جايب تاني ألاقي لمبة ال check نورت و فجأة العربية تفصل تمام ,, باجي ادورها بدور عادي ولا اكن فيه حاجة .الحالة دي بقى بتفضل مثلا فترة على كده يعني طول المشوار مثلا تفصل مني 40 مرة كل ماجي اهدي على مطب مثلا و تقعد مثلا أسبوعين على الحالة دي أو يومين أو يوم كده يعني ..حالة العربية الفترة دي بتبقى زبالة في حزة حاجة زي مثلا الفرامل بتبقى ناشفة جدا و كمان الغيار ناشف و صوت الماتور عالي و سحب العربية وحش و عداد السرعة مش شغال و ساعات ال rpm كمان .. و ممكن تلاقيه شغالين في بعض الاحيان .
الفكرة هنا إني ساعات فجأة ألاقي العربية روعة جدا و سحبها ممتاز و مش سامعلها صوت و سلسة جدا ولا اكني راكب 2015 و كل حاجة زي الفل و تفضل كده فترة كبيرة و فجأة تعمل نفس الكلام
رحت عند كذا ميكانيكي و حطتها على الجهاز و كل واحد يفتي ..يعني غيرت مثلا حساس كرنك و حساس ايدل و بوجهات و شكمان و فلتر هوا و اية وبنزين و برده مفيش فيده بتشتغل بمزاجها يعني شهر تبقى روعة و أسبوع زبالة و هكذا هي و مزاجها .. عايز أقول برده إن لمبة ال aps كانت منورة و أنا فصلتها قالوا إنه عايز يتغير ... و كل محطها على الجهاز مبتجبش غير vss اللي هو حساس السرعة أو الميكانيكي بيقول إن هو مش قاري حاجة ... بس أنا جبت طريقة من النت إني أقرأ بيها و عرفت إن هو حساس السرعة ..بس هل ده يعمل كل المشاكل دي ولا إيه ؟ أرجو ال افادة عشان بجد زهقت بحس إن العربية متعفرتة والله