استفسار مهم .. لاصحاب الخبرة ...
الداستر اللي معايا 2015 - 4*4 ، عاملة (( 850 كم )) فقط ، لاحظت بها أمر غريب من أسبوعين و هو أن دواسة البنزين ناعمة جدا لما بطلع بالعربية من الجراج أو لما أطلع الطريق الزراعي ، ثم بمجرد ما الطريق داخل الاسكندرية بيزدحم و يكون هناك وقفات في الاشارات المرورية ، ألاحظ أن دواسة البنزين بتخشن و السيارة بتتدرب تحت رجلي كأنها (( متاته )) و صوت الموتور بيعلى .
رحت التوكيل ، المهندس قالي ده العادي بتاع السيارة دي و أن طبيعتها أنها (( خشنة )) ، و أن الكومبيوتر موش شايف أي خلل في العربية . و للامانة السيارة كانت ناعمة جدا أول ما أستلمتها ، و لكن حدث في يوم قبل ما تكمل الـ (( 200 كم )) أن العامل بالبنزينة فتح غطاء قربة مياة الراديتير و العربية دايرة و حسيت بعد ما قفلت الغطاء بهذه المشكلة و رحت التوكيل و قالوا أن العربية أخدت (( هواء )) و حنسحبه و أخبروني أنه تم سحبه و العربية صارت تمام . لكن نفس المشكلة موجودة . يا ترى ايه السبب يا أصحاب الخبرة ؟؟ هل الهواء لم يتم سحبه من الراديتير ؟ أم أن أسلاك البوجيهات فيها واحد بيسخن و ما بيوصلش كهرباء ؟ أم في تنفيس في جوان وش السليندر ؟ أم حسان به مشكلة ؟ و حيكون إيه غالبا ؟؟ مع الشكر للجميع . |
رد: استفسار مهم .. لاصحاب الخبرة ...
المشكله ممكن تكون من البنزين او كويل ضعيف والله اعلم حضرتك بتحط بنزين ايه والبنزينه نضيفه ولا
|
رد: استفسار مهم .. لاصحاب الخبرة ...
اقتباس:
و أنا بمون 92 و من بنزينة الامارات اللي ف أول الزراعي بعد الخروج من الاسكندرية في الغالب . بس ايه (( الكويل )) ده ؟؟ |
رد: استفسار مهم .. لاصحاب الخبرة ...
دا طبيعي يا باشا مفيش مشاكل ان شاء الله ومتقلقش نفسك
العربيه اول ما بتشتريها لازم تلين تقريبا اول 1500 كيلو وبعدين بتاخد كفائتها حاول متعديش ال 2500 ار بي ام طول فترة التليين صوت العربيه طبيعي وهتلاقيه اعلى بوضوح بالذات لما تشغل التكييف |
الساعة الآن 03:58 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017