مصر موتورز مجتمع السيارات - بخصوص اسماء الاعضاء برجاء مشاركه الجميع

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - بخصوص اسماء الاعضاء برجاء مشاركه الجميع (https://www.masrmotors.com/vb/showthread.php?t=11081)

بخصوص اسماء الاعضاء برجاء مشاركه الجميع

بقالي فتره في المنتدي بشوف ان الناس مش بتقول اساميها
طبعا دي حريه شخصيه ما نقدرش نلوم حد علي كده
لكن الواحد بيبقي عاوز يخاطب فلان اللي بيتكلم قبله او صاحب موضوع بيستفسر عن حاجه
تلاقي اسمه مكون من حروف غريبه زي
assytur
mm,ahueh,
, i;`h
و هكذا عباره عن شويه حروف غير مفهومه
و الواحد بيضطر انه يشوف الحروف و يحاول يكتبها للمحاوره
انا عن نفسي ما بعرفش ارد علي موضوع من غير ما اخاطب اللي قدامي
و دا لاحترامي لشخصه و اعتباره اخ او صديق او حتي زميل
ما ينفعش اقوله شوف يا اللي فوق او يا انت
غير كده مافيش اي اسم من الاسامي دي بيعلق بالذاكره
يعني لو كاتب الموضوع كتب موضوع تاني ما اقدرش افتكر
مين الشخصيه دي.
انا من رأيي ان كل واحد يحط اسمه في التوقيع
او لو مش عاوز الناس تعرف اسمه و دا حقه
يحط اي اسم اعتباري للتواصل فقط.
و دا حيخلق جو من الاخوه بينا و بين بعض و نحس اننا عارفين بعض
طبعا فيه اعضاء هنا كلنا عارفينها و معانا ارقامها و اتقابلنا و خرجنا و سافرنا سوا
ليه ما نبقاش كلنا كده؟؟؟

يا تري انتوا معايا في النقطه دي ولا لاء؟؟
معذره لان كلامي مش مرتب و دا لان اللي في قلبي علي لساني
مبحبش ازوق الكلام
ولكم مني جزيل الشكر

رد: بخصوص اسماء الاعضاء برجاء مشاركه الجميع

معك حق أستاذ حازم
وكنت قد قدمت دعوة للاعضاء من قبل بعنوان أجعل نفسك معروفا للآخرين لوضع صورة شخصية حتى تصبح الوجوه مألفة وقد أستجاب لها بعض الاعضاء
فما بالنا بأسم الشخص وهو الاكثر أهمية وعلى من لا يريد أن يضع أسمه أختيار أسم رمزى حتى يمكن التواصل الحقيقى معه

رد: بخصوص اسماء الاعضاء برجاء مشاركه الجميع

شكرا على طرحك للموضوع يا استاذ حازم

أشرف :)

رد: بخصوص اسماء الاعضاء برجاء مشاركه الجميع

جميل موضوعك يا حازم:HAPPY_~211:
انا بقى موش محتاجه احط اسمى فى التوقيع لانى اصلا مسجله بيه فعلا ptmnlo123per122

رد: بخصوص اسماء الاعضاء برجاء مشاركه الجميع

اقتباس:

المشاركة الأصلية كتبت بواسطة د0تامر محمد (المشاركة 62824)

بالضبط كده يا دكتور تامر
هو دا قصدي و يا ريت الكل يتفاعل
انما زي ما حضرتك شايف 40 مشاهده و تلاته فقط تفضلوا بالرد:(

اقتباس:

المشاركة الأصلية كتبت بواسطة MORE83 (المشاركة 62887)

شكرا على طرحك للموضوع يا استاذ حازم

أشرف :)

العفو يا استاذ اشرف و شكرا لاستجابتك السريعه:)
من رأيي ممكن حضرتك تحط اسمك في التوقيع زي ما انا عامل كده
و دي بتخلي اللي يقرأ مشاركتك يعرف و تبقي معروف للاعضاء
و شكرا ليك مره اخري.

اقتباس:

المشاركة الأصلية كتبت بواسطة فاطومه المصريه (المشاركة 62888)

جميل موضوعك يا حازم:HAPPY_~211:
انا بقى موش محتاجه احط اسمى فى التوقيع لانى اصلا مسجله بيه فعلا ptmnlo123per122

شكرا ليكي يا فاطمه
انت عشره علي عشره محدش يقدر يتكلم ptmnlo123per122