رد: لوجان ولا أوبترا
 

عفوا
أنصحك بتجربة التوكتوك اللي بتقول عليه ،،، لان اللوجان عربية محترمة جدا جدا و أنا شاريها علي الزيرو موديل 2009 تقفيل اوروبي و كان سعرها 75000 ج و كان قريب جدا من سعر الاوبترا في وقتها

قد تكون الاوبترا أحلي في الشكل ، أو أكبر حجما و لكن هذه مسألة اذواق فيه ناس بتفضل البودي الملموم علشان الركنة و كذلك ناس كثير بتقول في رايها ان اللوجان اشيك و كفاية انها رينو .

اللوجان
قوية كهيكل
واسعة جدا من الداخل و كذلك الشنطة
تكييف قوي و ما بيحملش علي الموتور بدرجة ملحوظة
تقفيل نظيف جدا
ايرباج
جنوط 15 ( يعني بودي عالي عن الارض و مناسب جدا للشوارع المصرية)
موتور ميجان 1 وهو 1600 كامة واحدة علوية مشهود له بالقدرة علي الاحتمال (الميجان 1 من 99 و مشفتش او سمعت عن عربية بتدخن أو فيها عمرة) و كمان اقتصادي جدا (من 300 - 350 كم \ صفيحة)
ثابته جدا جدا علي الطريق ( مناورات علي سرعة 180 كم طريق مص الاسكندرية الصحراوي )
كمبيوتر معلومات
عدادات ديجيتال

و اعتقد أنه كمان بالاضافة الي كل ذلك سعرها الان منافس جدا جدا

و عيبها من وجهه نظري هو ضعف الباور ووجود رعشة عند لف العجل علي الاخر و الله اعلم هل المشكلة دي لسه في المغربي و لا اتحلت خلاص ؟؟؟

ملحوظة :
الكثير ممن اعرفهم يمتلكون الاوبترا بيشتكوا من استهلاك كبير للبنزين ، تيل و طنابير ، و ملاحظات كثيرة حول التقفيل و العفشة و ناس كثيرة جدا بتقول ان الافيو برقبتها كما كان الحال زمان فالكثير كانوا يوصو باللانوس عن النوبيرا

نصيحتي للاخ صاحب الموضوع


هات اللوجان و مش هتندم و فرق الفلوس انت اولي بيه و خصوصا ان البنزين شكله هيغلي في الشهور القليلة القادمة و العربية استهلاكها حلو جدا و مش هتلاقي حاجة ثانية 1600 جميع الكماليات و ايرباج و كمبيوتر معلومات و ماركة محترمة بالسعر ده في اي ماركة اخري

رد: لوجان ولا أوبترا
 

شكرا يا جماعة علي ردكم و مشاركتكم
بس انا شايف اني أنا كده بقيت محتار أكتر من ردودكم
انا سئلت واحد بتاع معرض قالي الأثنين حلوين برضة بس الأوبترا لو حبيت تخلص منها في أى وقت هتعرف تبعها علي طول و بسعر كويس و حجتها متوفرة و ممكن يتوفق بينها و بين حجات اللانوس
فأنتوا إية رأيكم في الكلام ده
عشان يا جدعان أخري بكرة الساعة 9م عشان أروح اخلص الإجراءات

رد: لوجان ولا أوبترا
 

رد: لوجان ولا أوبترا
 

والله انا شايف انك ممكن تعمل مقارنة تحتار بين اللوجان والانوس لاانهم يعتبرو فئه واحدة
انما الاوبترا دى فئة تانية خالص لو جاهز معاك تمنها انصحك بيها طبعا
انما لو هتستلف والحوارات دى تبقى اللوجان او الانوس عملية اكتر
مع مراعاة ان اللوجان لسة جديدة فى السوق يعنى اى خدش فيها يبقى على التوكيل عدل
انما الانوس ممكن توديها لبيلة الميكانيكى وانت مطمن

رد: لوجان ولا أوبترا
 

السيارتين من فئتين مختلفتين
و بالتالي الكفه ترجح الي سياره الفئه الاعلي
لذلك انصحك بالاوبترا فقط لانها فئه اعلي
و بالتالي اعتماديتها اعلي من اللوجان