|
فراخ مشويه دايت جداً جداً بالصور
اول حاجه انا جبت فرختين هما صغيرين يعنى الواحده كان وزنها الصافى كيلو ومتهيألى كمان انها كانت اقل وكل اللى احتاجته ملح & فلفل اسمر & خل & بصله صغيره دى صورة الفرختين الحلوين قبل مااغسلهم يادوب بس فكوا من التلج http://files2.fatakat.com/2012/1/13267222885487.jpg هنا قربى بقى شوفى لسه يادوب بفتح فوق عند صدر الفرخه الدهون اد ايه فيها وخصوصا الجلده بتاعت الرقبه دى http://files2.fatakat.com/2012/1/13267223254982.jpg أنا طبعا هسلخ الفرخه دى واقلعها ملط دلوقتى واللى بتتكسف ماتبصش ههههههههه هنا شوفى دى الدهون والجلد اللى طلعوا من فرخه واحده خلصت خلاص الفرختين وشيلت كل الدهون على اد مااقدر سبت بس الجلد بتاع الاجنحه ومن هنا بقى هبدأ اغسل بس استنى الاول هوريكى الجلد والدهن بتاع الفرختين سوا عشان تحرمى تطبخى الفراخ بجلدها اللى هو مش مفيد خالص بالمره بالعكس كل هرومونات وقرف بتجيب تكيسات ع المبيض وبلاوى سودة http://files2.fatakat.com/2012/1/13267228544413.jpg أظن بعد ماشفتى الكميه دى هتفضحى الفراخ قبل ما تطبخيها ولازم لازم تقلعيها حتى لو مسلوقه شيل الجلد احسن الحاله الوحيده اللى انصحك فيها تسييبى الجلد لحد ما تخلصى طبخ هى الشوى ع الفحم لانه بيمتص كل الكربون اللى بينتج من حرق الفحم ولما تخلصى شوى ارمى الجلد برضه اوعى تاكليه وماتخليش ولادك ياكلوا جلد ابدا لو سمحتى والله ما هيفيدهم بالعكس بيضر جدا هنا بقى هنغسل الفراخ الموضوع بقى بسيط اوى لان اصلا مع الجلد طلع اى زفاره والريحه الوحشه اترمت خلاص بس يادوب هحط شويه ملح وشويه خل وندعك الفرخه كويسه عشان تبقى فله نعملها سنفره بقى وتفتيح بشره اللى بنكسل نعملهم لنفسنا دول هههههههههههههههههه خلاص غسلتها وبشطفها كويس واصفيها واعمل فتحات صغيره فى الصدر والاوراك على خفيف وتخديهم ع الصنيه اى نوع صينيه مش هتفرق انا فتحتهم من النص وقلبتهم على وشهم ندى الاول للضهر كده رش ملح وفلفل اسود فقط http://files2.fatakat.com/2012/1/13267225283232.jpg وبعدين نقلبها ع الوش التانى دى الجهه اللى هنسوى عليها بقى ونرش ملح وفلفل ومعلقه واحده خل نرشها فوقها عشان تطرى اللحمه وما تبقاش ناشفه وبتشد تقطعى بصله صغيره مش متوسطه وتحطيها فوق الفرخه مش تحتها والبصله دى عشان اول ما تنزل ميتها الفرخه تشربها وتبقى كأنها متبل من قبلها بيوم كمان عشان كده عملت فتحات فى الصدر عشان يشرب من مية البصل وماتزوديش بصل عشان ما ينزلش ميه كتير فى الصينيه والفرخه يبقى طعمها كأنها اتسلقت دى بعد مادخلت الفرن شوفى نزلت شويه ميه ازاى عشان مفيش واحده تقولى كده هتلزق ولا هتتحرق صوره كمان شايفه الميه اللى نازله دى http://files2.fatakat.com/2012/1/13267229324329.jpg هنا الفراخ تقريبا استوت والميه قربت تنشف فقلبتهاعلى وشها بقى اهى قربى بصى تانى قطعت حته من الصدرعشان اتأكد انها استوت لقيتها تمام لحد كده وممكن تحطيها تحت الشويه تتلون شويه او ترفعيها بس فى الرف اللى فوق خمس دقايق كمان عشان ولادك يحبوا لونها متحمر او ممكن تسيبها ماتقليبها لحد ماتتحمر لوحدها فى شويه الدهن اللى اتصفوا منها من تحت انا بقى عشان هتبات لانى موظفه وهرجع اسخنها تانى يوم قلت انشفها وهى تحت شويه لحد ماالارضيه او الصوص اللى نزل يبقى لونه بنى أنا لحد كده وطفيت عليها وتمام شيلتها عنتها فى التلاجه لتانى يوم http://files2.fatakat.com/2012/1/13267231359280.jpg جيت وقت التسخين وحطتها فوق على عين البوتجاز وضفت نص كوبية ميه وقلبتها فى الصوص البنى ده والفراخ على ما اتسخنت كانت شربته واخيرا الفراخ جاهزه للأكل كل اللى فات دى ياستى بالظبط اخد ساعه لانى تنضيف الفراخ مااخدش 5دقايق والتسويه ما بين ساعه الاربع لساعه حسب حجم الفراخه ذات نفسها وطعمها والله جنان شاربه ميه البصل مخليه كأنها كانت منقوعه فى تتبيله وخفيفه وصحيه ومش مكلفه اديكى شايف ولازيت ولا سمنه ولااى اضافات وبراحتك بقى تقديمها مع بطاطس مقليه ومكرونه وسلطه او رز وسلطه او حتى تعمليها مع اى نوع خضار وانا بكلها كده مع سلطه فقط المهم بألف هنا منقول |
رد: فراخ مشويه دايت جداً جداً بالصور
رائع...
رائع... رائع... رائع... رائع... رائع... رائع...:010104~171: |
رد: فراخ مشويه دايت جداً جداً بالصور
:010104~171::010104~171:: 010104~171::010104~171::0 10104~171::010104~171:
|
رد: فراخ مشويه دايت جداً جداً بالصور
:CONGRA~238::CONGRA~238:: CONGRA~238: :CONGRA~238::CONGRA~238: :CONGRA~238: :fun_36_1_51[1]: |
رد: فراخ مشويه دايت جداً جداً بالصور
:CONGRA~238::CONGRA~238:: CONGRA~238::CONGRA~238::C ONGRA~238::CONGRA~238::CO NGRA~238:
|
| الساعة الآن 04:41 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017