مصر موتورز مجتمع السيارات - هل لازم أغير 4 فردة كاوتش مع بعض ؟؟

مصر موتورز مجتمع السيارات (https://www.masrmotors.com/vb/index.php)

- سلامتك على الطريق (https://www.masrmotors.com/vb/forumdisplay.php?f=8)

- - هل لازم أغير 4 فردة كاوتش مع بعض ؟؟ (https://www.masrmotors.com/vb/showthread.php?t=123342)

هل لازم أغير 4 فردة كاوتش مع بعض ؟؟

السلام عليكم ورحمة الله وبركاته
إخوانى الاعضاء المحترمين لمنتدانا المحترم
لى سؤال لو سمحتم
سيارتى جيتز 2011 وعاملة فقط 11000 كم
ولكن لتانى مرة الفردة الامامية تقطع من تماما وانا اركن بجوار الرصيف نتيجة حديدة
او مسمار حاد المهم غيرت الفردة نفسها مرتين
دلوقتى بائع الكاوتش قال لى ان باقى الكاوتش حالتهم اصبحت وحشة
برغم انى مشيت فقط 11000 لقرب عملى من منزلى
هل لازم أغير 4 مرة واحدة ام ممكن الاماميين فقط
والكاوتش الاصلى فيها هنكوك 175/14/65
هل لازم مثله
وسعره لقيته ب 1600 ال 4 فردة
هل 400 جنيه للفردة سعر كويس
وبريدج 480 للفرده ايهما افضل
لان فى 6 اكتوبر هما محلين وجدتهم عند الحصرى
ابوغطاطى / توكيل بريدج
رجاء افادتى سريعا ربنا يبارك لكم
جزاكم الله خيرا
MADDRIVE

رد: هل لازم أغير 4 فردة كاوتش مع بعض ؟؟

وهل لو سمحتم أغير الجنوط الى جنوط سبور ولا ده مش مهم واركب الجنوط الاصلى الحديد لها وايه الفرق لو سمحتم

جزاكم الله خيرا

رد: هل لازم أغير 4 فردة كاوتش مع بعض ؟؟

عليك يا سيدتى بترك الجنوط كم هى وعمل صيانه لها
والافضل شراء 4 إطارات بريدجستون مع بعض
ثم المداومةعلى على تدوير الكاوتش كل 5000كم بسبب قله الكم المنجز او كل 6شهور ايهم اقرب وذلك لإطاله عمر الكاوتش والاحساس بالامان اثناء السير لان الكاوتش تجاوز 3 سنوات وممكن سنه قبل الإستخدام من اول تركيبة بالسيارة حتى الاستخدام بمصر
ويفضل إستخدام النيروجين والترصيص وضبط الزوايا

رد: هل لازم أغير 4 فردة كاوتش مع بعض ؟؟

اقتباس:

المشاركة الأصلية كتبت بواسطة محمد فيصل (المشاركة 945119)

ربنا يبارك لك
جزاكم الله خيرا على سرعة الرد
بس لو سمحت يعنى ايه ترصيص وضبط زوايا وده اعمله كل 6 شهور ولا ايه
وليه النتروجين
اعتذر على كثرة الاسئلة بس نفسى افهم

رد: هل لازم أغير 4 فردة كاوتش مع بعض ؟؟

اقتباس:

المشاركة الأصلية كتبت بواسطة Eng/salwa (المشاركة 945121)

ربنا يبارك لك
بارك الله لحضرتك فى الاولاد والاسرة الكريمة
جزاكم الله خيرا على سرعة الرد
جزانا الله واياكم
بس لو سمحت يعنى ايه ترصيص وضبط زوايا وده اعمله كل 6 شهور ولا ايه
الترصيص هو ضبط الجنط بعد تركيب الكاوتش على ماكينة خاصه تقوم بعويض اى نقص فى ميزان الجنط عند إستخدام السيارة على سرعات عالية وكل ما كانت حاله الجنط جيدة قل إضافه الرصاص له والجرامات المستخدمة
وليه النتروجين
غاز خامل
لا يتأثر بالحرارة موفر للوقود راحة فى المطبات وكان السبق فى إستخدامة فى إطارات الطائرات
اعتذر على كثرة الاسئلة بس نفسى افهم
لا يوجد اى داعى لإعتذار حضرتك نحن جميعا نساعد بعضنا البعض لوجه الله الكريم

عذراً الزوايا يتم ضبطها لكى لا يحدث تأكل للكاوتش سواء من الداخل او الخارج ويتم الضبط عند حدوث اى انحراف لطارة القيادة بدون سبب ظاهر كميل الطريق مثلاً ولا يتم الضبط إلا إذا كانت كل اجزاء نظام التعليق فى حاله جيدة {العفشة بالبلدى }
كل 6 شهور تدوير للكاوتش بمعنى امامى يمين خلفى يسار والعكس امامى يسار خلفى يمين مع الترصيص وذلك للحصول على اطارات طويلة العمر والاداء الآمن إن شاء الله