|
ادعولي وباركولي
السلام عليكم ورحمة الله وبركاته أنا روحت النهاردة لمعرض سلطان عندنا في الاسماعيلية وبعد ما قريت كل الموضوعات بتاعت اللوجان اللي تفضلتم بيها قررت اني اختار اللوجان على بركة الله أنا كان معايا بيجو 206 موديل 2004 وبعد ما ركبت اللوجان في المعرض فعلا حسيت إني راكب عربية اوروبي نفس القاعدة المريحة الملوكي، نفس الإحساس، ده حتى المالتي فانكشن وازرار الزجاج زي البيجو بالضبط العدادات جميلة ومريحة للنظر الشنطة واسعة بجد مش واسعة بس الكنبة الخلفية وااااااسعة، واسألوني أنا لأن البيجو كانت قارفاني في موضوع الكنبة ده على فكرة أنا دورت العربية علشان اسمع صوت الموتور، لأن كله كان بيقول إن صوته عالي، بس أنا محستش بكده خالص لأن فعلا برضو البيجو أول ما جبتها كنت بغلط وادورها مرتين من نعومة صوت الموتور إن شاء الله المفروض الأسبوع الجاي استلمها، بس كانت عاوز نصايحكم أعمل إيه أول ما استلمها، وإيه اللي أخد بالي منه وانا بستلم وهاخد مع السيارة ملحوظة أخيرة، العربية جاي معاها مفتاحين واحد بريموت والتاني من غير ريموت، إنما بصراحة شكلهم مش عاطفي، ده حتى مش مكتوب عليهم رينو ولا عليهم الشعار بتاع الشركة، البيجو كان المفتاح ريموت وكان عليه حتة أسد أسد أصلي يعني، ب برضو مش مهم أنا عندي الكتر بلوتر في المكتب وهعمل شعار رينو على قد المفتاح وهصوره وارفعلكم الصورة يمكن حد يحب يعملها ادعولي ربنا يوفقني |
رد: ادعولي وباركولي
السلام عليكم بالتوفبق وان شاء الله يطعمك خيرها و يكفيك شرها والله المستعان |
رد: ادعولي وباركولي
مبرووووووووووووك اولا وربنا يعطيك خيرها ويكفيك شرها
اولا تأكد من جميع الملحقات اللى فى العربيه من استبن وكوريك ومفتاح عجل ومثلث وكالتوج العربيه شوف وثيقة التأمين تبع شركة ايه وياريت تكون مشهوره اتأكد ان العربيه خاليه من العيوب وياريت تستلهما بالنهار عشان تبقى العربيه باينه قدامك ولو جاية متعفره من ومتربه لازم تخليهم يغسلوها كويس عشان لو تجاريح ولا خدوش بص على القوايم والكبوت والشنطه كأنك بتشترى مستعمل للاسف لان فى عربيات بتبقى جايه من الوكاله فى مصر والعيال اللى راكبه تخبطها وتروح المصنع تتسمكر وترش بويا فلازم تشيك على العربيه حتى بالنظر واول ما تجيبها سميها اسم على ذوقك وادعى ربنا يحفظها لك من العين ومن كل سوء وتكون قدم الخير عليك ومتزعلكش فى اى حاجه واخيرا الف مبروك وعقبال ماتقولنا انا رايح استلم البى ام بكرا |
رد: ادعولي وباركولي
جزاكم الله خيرا على الردود القيمة
بس كنت عاوز اعرف موصوع التليين والسواقة المبدئية وكده |
رد: ادعولي وباركولي
مبرووووووووووووك اولا وربنا يعطيك خيرها
:14FEAD~151: |
| الساعة الآن 11:06 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017