متسوبيشى لانسر 2007 خليجى هام جدا
 

الاخوة الاعزاء

مع اول مشاركه ليا فى المنتدى يا ريت حد يساعدنى

معايا لانسر 1300 خليجى موديل 2007 وشريتها بفضل الله قريب ولكن ظهرتلى شويه مشاكل ومن يومها وانا دايخ

اول حاجه كانت بتدور بصعوبه الصبح بعد 5 او 6 مرات وفى المره السادسه بدوس البنزين تنطق العربيه ولازم افضل دايس ع البنزين شويه لان لو نزلت رجلى علطول بعد ما تدور بتفضل بين الدوران والطفيان وبتبقى صوتها واطى خالص والار بى ام بيبقى اقل من 500 كمان والمشكله دى مبتظهرش فى باقى اليوم (صباحا فقط )

وطبعا بدات فى التردد على الساده الاخصائيين اشى ميكانيكى واشى كهربائى وووو
اول كهربائى تفضل بعمل شد لسير الدينامو وقاللى كله تمام كده ان شاء الله تدور معاك الصبح وطبعا بعد ما كشف على البطاريه وقالى مفيش مشكله فيها

تانى يوم نفس المشكله

روحت لواحد تانى قاللى روح اكشف ع البطاريه عند بتاع بطاريات بتاع البطاريات قال انها بايظه بالرغم من علامتها كانت خضره والحل هو تغيير البطاريه غيرت البطاريه وتانى يوم المشكله ما زالت قائمه برضه

روحت لواحد تالت قاللى هنغير البوجيهات وننظف الثروتل البخاخات يعنى
غيرنا البوجيهات ونظفنا وتانى يوم المشكله قائمه

قرات كثيرا فى منتداكم الغالى وفيه واحد قاللى الار بى ام واطى عليه شويه من مسمار كه جنب البخاخات تحت الكبود وعليت الار بى ام وتانى دارت بسهوله شويه بس مش من اول مره

بس لاحظت التالى
1- بعد ما تدور العربيه الاربى ام بيبدا عند ال 500 او اقل وصوت العربيه واطى جدا وبعدين يعلى لما تسخن العربيه فى حدود 10 دقايق اواكتر قليلا يرتفع لحد ما يوصل ال 1000 او اكتر شويه قليلا
2- اثناء النهار تدور العربيه بسهوله + الار بى ام بيبقى ف اثنء الوقوف والعربيه سخنه ودايره ع ال 1000 او اقل قليلا
3- قرات ف الكتيب الخاص بها ان الار بى ام الايديال بتاعها 750 +او - 100
4- عرفت ان المفروض اول ما ادور العربيه يبدا الار بى ام فوق ال 1000 ثم يبدا ف النزول تدريجيا حتى ان يصل ال 750 او اكثر 50 او اقل ولكن هذا لا يحدث معى
5- ايقنت ان هناك مشكله وعلاجها فين الله اعلم والميكانيكيه محدش فاهم حاجه وكله بيعك وخلاص وخايف يبقى غلط الاستمرار على هذا الوضع
ومن كثر قرآتى عرفت ان المفروض تنضف حساسات السرعه والثروتل او فيه مشكله فى الشفاط او او او

رجاء حد يدلنى اعمل ايه

رد: متسوبيشى لانسر 2007 خليجى هام جدا
 

جرب تعمل ليرن ايدل .عن طريق فك البطاريه خالص لمده 10 دقائق ثم توصلها تانى. وبعدين تبتدى تسخن تانى الى ان تشتغل المراوح الاماميه. جرب من هاتخسر حاجه

رد: متسوبيشى لانسر 2007 خليجى هام جدا
 

ده الصح فعلا

وواضح أن عند حضرتك مشكله

فى بلف الأيدل كنترولر

أو مايعادله فى الانسر

ممكن تنظف البلف ده أولا

وتشوف النتيجه مع نظافة بوابة المكنه

وياريت برضه

يكون فلتر الهواء جديد

رد: متسوبيشى لانسر 2007 خليجى هام جدا
 

الاخوه العزاء شكرا ع الرد 1- تم عمل تنضيف للبوابه وطرمبه البنزين وتم عمل برمجه جديده مره اخرى ولكن تقريبا المشكله ما زالت قائمه العربيه بتدور بس انا لما بادور الار بى ام بيبقى اقل من 500 ف الاول وبعدين يعلى وانا فاهم ان المفروض العكس الار بى ام بيبدا عالى وبعدين ينزل لكن انا مش عارف الدنيا معكوسه عندى ليه موضوع ان انا اشيل البطاريه خالص دى هتخلينى ابرمج جديد من تانى والواحد زهق من الصنايعيه وقرف منهم ومن دفع الفلوس ليهم وبدون فايده 2- دلوقتى باسمع صوت صفاره مع صوت الماتور وبيجى من الخلف من عند العجله اللى ورا السواق وسمعها واحد ميكانيكى وقال دى طرمبه البنزين مع انها لسه متغيره قريب وكمان لسه منظفها المكيكانيكى الحمار اللى لهف الفلوس وخلاص جزاكم الله كل خير مره تانيه

رد: متسوبيشى لانسر 2007 خليجى هام جدا
 

بص يا باشا حضرتك ده من حساس اسمو حساس السالنسيه ده بيكون موجود فوق بوبات الانجيكشن يا اما يكون بايز او مهنج مثلا من الغسيل او التراب نضفو باسبري و شوف كده و بازن الله العربية هتكون كويسة