|
دوران المحرك صباحا
السلام عليكم انا معايا ميتسوبيشى ميراج انجكشن (زى الكريستالة ) وكانت حصلتلى مشكلة من شهر وهى ان العربية كانت متبرجلة جدا وبتطفى وما بتسحبش ووقتها غيرت البوجيهات واسلاكها والرداخ وفلتر البنزين ونضفت البوابة جزء جزء وفى الاخر طلعت المشكلة فى شاكوش الاسبراتير (هاتقولى ازاى نجيكش والاسبراتير بشاكوش هاقولك دا نظامها ) المهم من وقتها وانا بيطلع عينى علشان العربية تدور الصبح يعنى بعد 4 او 5 مرات مرش بتدور مايعديش 30 ثانية وتقوم طافية تانى وتدور بصعوبة تانى لغاية ما تسخن وبتبقى كويسة جدا فى المشى والسحب وكل حاجة بجانب ان بيكون فى رعشة بسيطة وبتروح بعد المشى فترة 10 دقايق كدا ولا حاجه جربت اعمل كل حاجه وانا بدور يعنى بفتح الكوناك فترة وبعد كدا ادور وساعات بكرك على دواسة البنزين وعليت الاسبراتير , المهم عملت كل حاجة وما فيش فايدة قبل ما تحصل المشكلة دى العربية كانت بتدور من تكه ودلوقتى الموضوع دا تاعبنى جدا خصوصا مع جو الشتا يا ترى ايه الحل ؟. |
رد: دوران المحرك صباحا
وارد يكون الاتوماتيك شوك او صمام الايدل ايهما عندك و الله اعلم
|
رد: دوران المحرك صباحا
اقتباس:
وبالنسبة لصمام الايدل فالميكانيكى وهو بينضف البوابة فكه ونضفه |
رد: دوران المحرك صباحا
ما هو انا كان قصدى يا ده يا ده
فطالما الميكانيكى لقى انه صمام ايدل فهو ده المسئول و بكده مفيهاش اتوماتيك شوك فاحتمال ان فكه و تنضيفه تسبب فى مشكلة مش عايز اقول ان الميكانيكى غلط بس هيا قبل الموضوع ده كانت مظبوطة |
رد: دوران المحرك صباحا
الصراحة ما اقدرش اقول انه لما نضفة حصلت المشكلة دى لأن وقتها كنت كل يوم اعمل حاجه بس اول حاجه عملتها تغيير البوجيهات وبعد كدا كان التنضيف واعتقد ان بعد التنضيف ما كنش فيه مشكلة هى العربية كانت متبرجلة ومش مظبوطة خالص بس كانت بتدور من تكة
المشكلة حصلت لما العربية اتصلحت بعد تغيير شاكوش الاسبراتير وحتى انا غيرت البوجيهات تانى قولت يمكن اللى انا اشتريته بايظين لاكن نفس النتيجة وآسف انى تعبك معايا :01F577~130:بس انت عارف الحاجة لما بتبوظ قلة خبرة الصنايعية بتودى فى داهية |
| الساعة الآن 02:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017