محتاج المشوره من اهل الخبره
السلام عليكم اخوانى الاعزاء
انا عندى عربيه فيات 128 وهى بحاله فوق الجيده وعفشه تمام وماكينه تمام المهم هى معايا بقالها اكثر من ثلاث سنوات الموضوع ان العربيه عاليه عن الارض وكل شوية بتاع العفشه يقولى ياباشا العربيه دى المفروض نوطيها شويه اقوله لا سيبها كدا وانا مرتاح بيها كدا عشان الطبات فى مصر فظيعه والحمد لله بعدى من على اعلى مطب منغير حكات حتى لو معايا كل العيله فى العربيه فنا مستريح فيها كدا وكمان مش بحب شكل العربيه المتوطيه قوى بحس انها ميته كدا لكن عربيتى حاسس ان وقفتها حلوه وفايقه هل فعلا لما اوطيها افضل وهتفرق معايا فى حاجه ولا اسيبها كدا اسف على الاطاله |
رد: محتاج المشوره من اهل الخبره
اقتباس:
وبقالك 3 سنوات على وضح أنت مرتاح له من جهة علو السياره فلاتستمع إلا لرغبتك وقناعتك الشخصيه |
رد: محتاج المشوره من اهل الخبره
شكرا على ردك هى فعلا مريحانى ومش بتعوم لما بكون ظابط زوايا غير لما يكون فى خطوط غير متساويه فى الطريق بس انا بسأل من الناحيه الفنيه هل علوها يأثر على حاجه فى العفشه مثلا او بيسبب حمل علي الشاسيه فى المطبات
|
رد: محتاج المشوره من اهل الخبره
اقتباس:
بالنسبة للعربيه هى كويسة دلوقت وهى عاليه طيب ايه يضمن انها لما توطى شوية هتكون فى المستوى المطلوب مئه فى المئه بمعنى بالرغم من وصفك ليها واحساسك انها اعلى من العادى ولكنها مريحاك على كده وان شاء الله مفيش ضرر وبالنسبة للعومان فى الطرق الغير منتظمه التى تعنيها هوامر طبيعى كما فى فواصل الطرق او الكبارى والله اعلم:fun_7_5_128[1]: |
رد: محتاج المشوره من اهل الخبره
التعلية والتوطية مسئولة عن الاتزان والسيطرة في الملفات مع السرعة
وانت الوحيد اللي تقدر تحكم في الموضوع ده |
الساعة الآن 10:53 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017