ومازال خالد اباظه يطبل ويرقص فى اخبار السيارات
 

يوم السبت قريت مقال لخالد اباظه فى اخبار السيارات بعد فتره كبيره قاطعت فيها اخباره ومقالاته لانه مطبلاتى لا اكثر ولا اقل ولا انسى مقاله الشكر والتمجيد للسياره سكوربيو "ماهيندرا" الهندية وطبعا كله حسب الاعلانات والاتفاقات
المهم المقال عن رفع الدعم عن البنزين المتوقع من الحكومه ودعوته بان الكل لازم يوافق ويدعم الحكومه فى هذا المجال وانه شايف انه حرام ان سياره مرسيدس او بى ام تاخد دعم وكمان هو غير موافق على اى سياره كورى يابانى هندى روسى تمنها من 100 الى 200 الف تاخد دعم وان الباشا شايف ان لحل ذلك يااما تركن عربيتك وتستخدم المواصلات يااما تدفع وتستهلك براحتك طالما هتدفع
الباشا المطبلاتى نسى اشياء كتيره
منها ان اغلب العربيات الكورى واليابانى كلها جايه بالقسط مش فنجره بمعنى انه بالعافيه الناس جايباها
تانى شئ ان كتير من الناس مازالت تمتلك سيارات موديلات قديمه ذات سعات كبيره ( لرخص البنزين ايامها ) الناس دى لاقادره تبيع ولا قادره تشترى سياره بالقسط
انه عشان اوفر لازم اركن عربيتى واركب مواصلات هى فين المواصلات اللى ممكن تتركب ونحس فيها اننا لسه بنى ادمين واازاى اى عقل يقول اسيب عربيتى واركب اتوبيس يتمسح فيه كرامتى وانسانيتى
للاسف الشديد مازال كتير من الناس بتعتقد ان ركوب السياره شئ ترفيهى وان اللى يملك سياره ده راجل مقتدر حتى لو كانت العربيه موديل 50
وللاسف الشديد مازالت الحكومه لا يوجد عندها اى حل لاى مشكله كل اللى تعمله هو اللف من ورا لتفادى المشكله زى المطبات على الطرق السريعه بدل من بناء كبارى وانفاق ولو الحكومه جاده فعلا كانت خفضت الجمارك على السيارات ال 1000 وال 1300 سى سى بدرجه كبيره كانت هتغرى ناس كتيره جدا للنزول اللى المستوى ده من الاستهلاك وكانت وفرت كتير جدا من البنزين المهدر
لكن زى العاده حطت مطب وسابتنا نخبط فى بعض والباقى يطبل وخلاص
دوشتكم معلش اصلى دمى محروق :fun_10_1_124[1]:

رد: ومازال خالد اباظه يطبل ويرقص فى اخبار السيارات
 

انا معاك ياباشا ان الكلام ده تطبيل من خالد اباظة للفكرة اللي الناس اتكلمت فيها 100 مرة بس هوه نسي حاجة مهمة جدا انا الناس دافعة تمن البنزين ده في صورة الجمارك
في الوقت اللي فيه الكامري تاكسي في الخليج المرسيدس تاكسي في الاردن وحتى فلسطين احنا بنركب الافيو بنفس السعر ولما تسأل ليه الجمارك عاليه اوي كده يقولك مانا بدعم بنزين طيب لو هتشيل الدعم يبقى الغي الجمارك
والحاجة التانيه اللي مخلياني مطمن شويه ان القرار ده صعب يطبقوه هو ان احنا لسه معندناش ثورة ولا حاجه يعني الساده رجال الاعمال وكلاء السيارات في مصر مش هيستنوا لحد ما القرار ده يطبق وهتلاقيهم بيضغطوا على الصحافة والاعلام علشان يعملوا راي عام ضد المشروع ده ومش بعيد تلاقي خالد اباظة بنفسه طالع يشتم صاحب الفكرة لأنها هتأثر على مبيعات السيارات في مصر -ليه اشتري عربية جديده لما في الاخر هركب اتوبيس -

رد: ومازال خالد اباظه يطبل ويرقص فى اخبار السيارات
 

:fun_10_9_206[1]::fun_10_9_206[1]::fun_10_9_206[1]::fun_10_9_206[1]:

رد: ومازال خالد اباظه يطبل ويرقص فى اخبار السيارات
 

الموضوع ده يبقى فاشل وكمان هو لما يشيل الدعم على البنزين يبقى كده المواصلات هتغلى وكمان العربيه اصبحت شيئ ضرورى الصحفى ده فاشل شكله مكنش لاقى حاجه يكتبها قام مخرف وكاتب الهبل ده

رد: ومازال خالد اباظه يطبل ويرقص فى اخبار السيارات
 

طول عمري لا اعترف بخالد اباظه لانه مطبلاتي فعلا
و لا يفقه اي شئ لا في العربيات و لا الصحافه و اسلوبه مستفذ