|
عاوز اعرف سعر قطع غيار عفشه اكسنت 2000
السلام عليكم دلوقتي انا و انا ماشي بسمع صوت تزييق جامد قوي و خصوصا علي المطبات و انا بلف الدركسيون .... ده ايه و من ايه و علاجه بكام ؟ تيل الفرامل عندي مغيره بقالي حوالي سنه ... في السنه دي مشيت 10000 كيلو يتغير امتي ؟ و سعرو كام ؟ و لو عاوز احس اني ماشي علي حرير زي السيارات الحديثه ؟ اعمل ايه ؟ لما سالت قالولي ركب جلب ... اركب جلب ايه بقي ؟ اكسنت ولا لادا ؟ ولا ايه بالظبط ؟ و حاسس ان الدركسيون مش خفيف كده .. بقي تقيل ؟ كده الباور باظ ؟ ولا العيب من ايه ؟ معدتش بيرجع ف الملفات ... لازم انا الي ارجعه . بس و شكرا و ارجو الرد عشان انا مصرفتش جنيه علي العفشه من يوم ما جبت العربيه بقالي سنه و نص :) و بصراحه عاوز افوق العفشه بتاعتها . و ارجو الي يعرف اسعار يقولي :) |
رد: عاوز اعرف سعر قطع غيار عفشه اكسنت 2000
محدش كان معه اكسنت ولا ايه ؟FLASHCar
|
رد: عاوز اعرف سعر قطع غيار عفشه اكسنت 2000
العفشه موالها كبير قوي لازم تروح لعفشجي يكشف عليها الاول ممكن يكون مساعدين ممكن تكون سوسته مكسوره ممكن مقصات ممكن بطاحات ممكن جلب وكاوتش ممكت اسكاترا ممكن قواعد وركب ممكن يكون شرخ في قواعدالميزان او الاسكترا وممكن وممكن وممكن لازم تكشف عيها الاول وتوقللي محتاج ايه وانا اديك الاسعار التمام |
رد: عاوز اعرف سعر قطع غيار عفشه اكسنت 2000
انا روحت لعفشجي و غيرت ...:- جلبتين مقص .. الاتنين ب 25 جنيه مسمارين اتزان ... الواحد ب 15 جنيه بيضه .... ب 37 جنيه و العربيه عندي كانت بتحدف يمين .... و الراجل ظبطلي زوايا ... بس برضو العربيه بتحدف يمين ... اعمل ايه بقي ؟ |
رد: عاوز اعرف سعر قطع غيار عفشه اكسنت 2000
طب شوفت ضغط الكاوتش وهل كشفت علي الكاوتيش والجنوط ممكن الجنط او الفرده يكون ملوح طب بدل العجلتين الامامتين مكان بعض وشوف الموضوع حيعكس ولا نفس القصه |
| الساعة الآن 11:08 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017