لانوس جديد
 

السلام عليكم .
امبارح روحت اجيب لاونوس ٢٠١٦ من معرض سمير ريان والمندوب قالى ان اكصدام امامى يمين مدهون فى التوكيل عشان كان فى خرابيش وان مكنش حد هايكتشف ده بس هو قالى للامانة وبصيت على الاكصدام فعلا ان مش قادر اطلع فرق ودى اخر عربية عندهم. المهم نزلت الف جنية فى سعرها فلقيتة عايزنى امضى انهم وجدوا ان الاكصدام مرشوش رش خارجى واى عاينته وعلى الاساس دا تم خصم الف جنيه ومليش انى ارجع للمعرض تاى باى شكوه بخصوصه....
فان مش عارف امضى والا لا ، او اخليه يكتب انو مدهون نتيحه خرابيش
وهل فى مشكلة بعد كده فى الضمان بتاع العربية والا لا.

رد: لانوس جديد
 

هى حركة حلوة من المعرض انه نبهك لحاجة مكنتش هتاخد بالك منها
رغم انها خسرته الف جنيه كان هياخدها برضاك وبدون اعتراض

طالما قالك.. وعاينت..وارتضيت.. وقبلت الخصم..يبقي مايتكتبش اللى حصل ده ليه؟
واحد غيرك ممكن يقول اوكى وياخد العربية..ويطلع من عندهم يشتكيهم فى نفس الموضوع اللى هما نبهوك ليه اصلا.. ومش هيعرفو ساعتها يثبنو ان حضرتك كنت عارف
ده اشبه بالاقرار على الموافقة على العملية الجراحية ومضاعفاتها اللى ماينفعش يتعمل عملية من غير ما يمضيه المريض او ولى امره.