مصر موتورز مجتمع السيارات - اجراءات شراء سيارة مستعمله

السلام عليكم

انا ناوي ان شاء الله اشتري سيارة مستعمله (رينو فلوانس) ودي اول مره ليا اشتري سيارة .. انا راجعت موضوعات كتيره في المنتدى بس فيه حاجات مش عارفها ..

1- الاتفاق مع البائع بفحص السيارة بالتوكيل : هل فيه حاجات ممكن اراجعها في التوكيل وايه اللي بيكون في التقرير مثلا وايه اللي اخد بالي منه في العربيه.

2- يقوم البائع باصدار شهادة مخالفات : دي شكلها ايه ؟ وايه اللي اخلي بالي منه يكون مكتوب فيها ؟

3- التسجيل في الشهر العقاري : هل نموذج العقد ثابت عندهم ولا انا اللي اعمل نموذج لعقد البيع ولا ايه ؟ ولو انا اللي هعمله ياريت لو حد يرفع نموذج لبيع سيارة ويكون مجرب .. وحاجه كمان ايه اللي اعمله ومعملهوش في العقد ؟ ورقم الشاسيه والماتور اتأكد منهم ازاي ولا الشهر العقاري هو اللي بيعمل كده ولا ايه ؟

4- لو في الرخصه 6 شهور او اكثر على التجديد تنصحوني بايه ؟

5- بعد التسجيل ايه اللي اخده من البائع (رخصة العربيه والمفاتيح) هل فيه حاجه تاني ؟

6- هل بعد الاجراءات دي هحتاج اي شيء تاني من البائع ؟ وهل كده العربيه بقت ملكي خلاص ؟

وشكرا لكل اعضاء المنتدى الرائع

واخيراااا ان شاء الله بمجرد الانتهاء من شراء السيارة سأقوم بعمل موضوع مفصل عن الخطوات كلها من اول البحث عن سيارة حتى فحص وتسجيل السيارة.