| ramy01011 |
04-04-2010 11:11 PM |
رد: تجربة قيادة تويوتا ياريس (مميزات وعيوب)
العربية معايا من سنتين رقم واحد العربية بجد تحفة مميزاتها اكتر من عيوبها بكتير تكيفها بجد تلاجة انا بجيبه علي واحد في عز الحر انا عايز في الامارات و انتوا عارفين الجو عامل ازاي هناك , الماتور بجد قوي رغم انه 1300 و موش بيتأثر بالتكييف بعكس الانسر 1300 مثلا بتحس انها سلحفة جمبها , علوها و عفشتها كويسين اوي في المطبات , ابعادها اول ما جبتها كانت مجنناني لاكن مع التعود خلاص بقيت حافظها , البور في الدريكسيون ملهوش حل كانت معايا قبلها بيجو 307 فرق السما و الارض في البور لصالح اليارس طبعا , صاجها ضعيف منكرش لاكن بردو فيه ميزة انه مرن اول ما جبتها و كنت بركنها خبط في الرصيف و قلت خلاص الرفرف الوراني راح بالسلامة و لما نزلت لاقيت الرفرف رد لوحده عادي و كأن ما فيهاش اي خبطة , العربية فعلا خفيفة بس رقم 1 جنطها 15 و فارق فعلا عن العادية , في البنزين بجد اكتر عربية موفرة شوفتها في حياتي , العربية بجد حمارة شغل انا بمشي بيها يوميا 200 كيلو بقالها سنتين مبغيرش فيها الزيت و تيل الفرامل الامامي مغيرتهوش غير مرتين بس خلال السنتين.
|
