تذبذب فى rpm عند عمل المروحة
 

المهندس المحترم سمير عياد
عاوزك تفكرلى ( معلش هاتعبك) الخلل فين؟
اولا:
لما المراوح بتبقى مش شغالة ما بحسش بالهزة مطلقا وبتبقى فيه هزات فى الموتور مش منتظمة تقريبا والتغير فى ال rpm بيبقى فى حدود ال 30 فوق و تحت بس الهزات دى ماتحسش بيها من جوة العربية لضعفها.
لما المروحة ال low تشتغل تحس بنبضات منتظمة ( تقابلها طبعا هزات فى الموتور) و مدى التغير بيزيد فى الrpm فوق و تحت.
لما المروحة ال high تشتغل تحس بنبضات اقوى ( تقابلها هزات فى الموتور) وفى الحالة دى بقيت اشوف بعينى المؤشر بتاع ال rpm بيطلع و ينزل فى حدود شرطة يعنى 70 ل 100 لفة مع هزة الموتور تماما يعنى الموتور يقعد يعلا و يوطى.
ملاحظة: فيه عربيتين زيرو نفس الموديل فيهم نفس الحكاية
ومهندس التوكيل قاللى كل النوع دة كدة
ثانيا:
ساعات بحس ان العربية ما بتسحبش معايا ( تقريبا عند عمل المروحة ال high) و حدوث الهزات القوية
ثالثا:
بحس بالهزات و انا ماشى بس طبعا ما بتبقاش باينة قوى زى ما ببقى ماشى على سرعة بطيئة مع الضغط على البنزين قليلا و تبان اكتر على السلانسيه
رابعا:
بحس انه فيه تأخير بسيط فى استجابة الموتور (rpm) عن الضغط على الاكسراتير.
هو دة الوضع بكل دقة فى السيارة.
استحلفك بالله تحاول تفكر معى العيب فين؟
هل حساس ام دينامو ام....؟

رد: تذبذب فى rpm عند عمل المروحة
 

ياباشا تحت أمرك

أنا لسه شايف الموضوع

وجارى دراسته

ولو أن عنوانه

شككنى فى الدينامو

رد: تذبذب فى rpm عند عمل المروحة
 

الحقيقه أنا شايف

أنه يفضل

الكشف على كل توصيلات الدينامو

وضبط شد سير الدينامو

وقياس خرجه بالمره

قبل الدخول فى منعطفات عملية التحكم

ومشاكل حساس الحراره

على أساس أن السياره حقن ألكترونى

رد: تذبذب فى rpm عند عمل المروحة
 

اشمعنى حساس الحرارة؟

رد: تذبذب فى rpm عند عمل المروحة
 

لأنه هو عين وحدة التحكم فى شغل المراوح

سواء على السرعه البطيئه أو السريعه

ودالها أشاره خطأ وقالها الحراره عاليه

بتمشى وراء أشارته وتروح مشغله المراوح

والشك فيه وارد وبشده

وحقولك ليه

تمعن فى هذا الكلام

ومهندس التوكيل ده

للأسف

مهندس بطيخ ( بطيخ أقرع مش أحمر كمان )