مصر موتورز مجتمع السيارات - أساسيات قيادة البايك.

مبدأيا أحنا قلنا أن الموتوسيكل زى العربية صح, لو كنت ماشى فى العربية على 100 وجبت التانى وأنا مش عارف وشلت رجلى من على الدبرياج, الموتور هيفصلل (عن عن عن عن:)), والعربية هتنزل لأخر التانى اللى هو فرضا سبعين فى ظرف ثانية, واللى وراك هيسمعك مالذ وطاب من الصفات:)

الموتوسيكل نفس الحكاية, لو أدى التانى غلط على سرعة عالية, الموتوسيكل سرعته هتنزل فجأة وهيفصلل, وهيحصل نفس اللى حصل مع راكب العربية, بس الموتوسيكل مش هيحصله حاجة لأن الموتور متصل بالعجلة الخلفية الثابتة, فمش هيترج أو هيقع (اللا لو اللى راكبه معرفش يحكمه, ساعتها ممكن ياخده ويقع), أنما الراكب بما أنه مش متوقع وماشى بسرعته الأصليه ممكن يلاقى نفسه سايب الموتوسيكل وطاير لقدام لو كان ماشى بسرعة عالية وهو ومهارته فى السواقة, ولو لاقدر الله وراه عربية.........

بس ده صعب الحدوث جدا, لأنك مبتركبش الموتوسيكل وتطلع وتنزل بيه وأنت مبتدئ, زى العربية, لازم تبقى عارف أخر كل نقلة كام قبل ماتمشى بيها وتلف فى الشوارع, وكمان أغلب البايكس بتوضح رقم النقلة اللى أنت عليها, ولأن الفتيس تتابعى, صعب جدا تدى نقلة غلط, (بدل من الرابع للتانى غلط زى العربيات :))

وطبعا الموتوسيكل فيه دبرياج زى ماقلنا بيفصل الموتور عن الفتيس وبالتالى العجل زى العربية وبتنقل للنقلة اللى أنت عايزها, ده لو كان قصد حضرتك على الموضوع ده

وينفع برضه تعمل engine braking بالموتوسيكل, بس زى العربية لازم الممارسة والمهارة اللازمة علشان تأديه صح, وبينقذ ناس من حوادث موت (زى العربية برضه).

وطبعا تأدية أى حاجة كالسواقة, حتى سواقة الحمير بالممارسة, والحوادث بتحصل لكل الناس حتى لو سايقين طيارات.

وأسف على الأطالة, ولو عند حضرتك أستفسار تانى أنا موجود.