ساعدوني في الإختير أفادكم الله
 

انا على وشك شراء سيارة خلال اليومين القادمين بالتقسيط في حدود السبعين الف وطبعا محتار بين السيارات المعروفة في هذه الفئة السعرية كنت مقتنع باللوجان ولكن مع سماع الأراء بدأت الحيرة فأريد ان تطمئنوني من اللوجان من ناحية
- اسعار قطع الغيار حيث جميع من سألتهم بيقولو انها غالية
- توفر قطع الغيار
- اماكن الصيانة وخدمات مابعد البيع وهل مشاكلها اصبح الصنايعية بيفهمو فيها ولالازم اي مشكلة اروح التوكيل
- سعر إعاده البيع حيث قبل ليه لو جيت تفكر تبيعها هتبيعها بربع الثمن


وطبعا قيل لي احسن خليك في الفيرنا او اللانوس حيث اها عربيات نجحت كتاكس وسعر قطع غيارها رخيص واي حد بيصلحها
عايز رايكم بأمانة وبحياد ودعواتكم لي ان يوفقني الله

رد: ساعدوني في الإختير أفادكم الله
 

بخصوص قطع الغيار فهيا جوة التوكيل غالية ودا طبيعي في كل انواع العربيات ان قطع الغيار تبقا غالية جوه التوكيل
لكن هيا بتتباع بره التوكيل بنص الثمن وبتكون اصلي كمان او تقليد
بخصوص انتشار قطع الغيار اعرف معلومة
اي عربية بدات في الانتشار قطع غيارها هتبدا تنتشر
وطبعا اللوجان انتشرت بشكل رهييب الفترة الاخيرة
وهيا اصلا قطع غيارها انتشرت الايام دي
بخصوص الصنايعية فمتور اللوجان اصلا بسيط جدا ومش معقد يعني ممكن اي حد يشتغل فيها عادي جدا
اما بخصوص اعادة البيع فهيا دلوقتي اعادة بيعها بقت ممتازة وزي الفيرنا واللانوس وخش على كونتاكت كار واتاكد بنفسك
وبصراحة انا افضل اللوجان على الفيرنا واللانوس واي سيارة في هذه الفئة
ومبروك مقدما:Wkiss5:

رد: ساعدوني في الإختير أفادكم الله
 

انا حقولك حاجة واحدة... عندنا فى اسيوط اصبحت اللوجان تاكسى وهذا دليل على نجاح العربية فى السوق المصرى وقوة تحمل العربية.. واعتقد انت عارف يعنى تاكسى
:Wkiss5::Wkiss5::Wkiss5:

رد: ساعدوني في الإختير أفادكم الله
 

اللوجان ما شاء الله لا قوة إلا بالله لن تندم
اعقها و استخير و توكل

رد: ساعدوني في الإختير أفادكم الله
 

اللوجان كويسه وهى اعلى من الفيرنا لان الفيرنا بتحك فى المطبات بس بصراحة كلهم كويسين المهم انت مقتنع باى شكل وبالتوفيق ومبروك مقدما :010104~171::010104~171:: 010104~171::010104~171::0 10104~171: