**نخلي بالنا من الحته دي!!!!
 

شوارعنا .... كلها مقالب و مطبات
كل واحد فينا جرب نقره .... بلاعه عاليه .... مطب مالوش لازمه
بس في حتت مقالبها جامده زياده شويه
ياريت كل واحد عارف حته بتعمل مقالب في العربيات يقول عشان الباقي يخلي باله منها
خصوصا ان في اماكن المقلب بيبقى جامد اوي و بيوصل انه يكون اول واخر مقلب (ربنا يستر )

اللي خلاني افكر في الموضوع ده ان في مكان بعدي عليه كتير .... وللأسف بشوف فيه حاجات كتير
اخرها امبارح بالليل.....

الموقع :- وصله الدائري اعلا طريق مصر اسكندريه الصحراوي

وصف الموقع:- بدايه من اول الدائري من طريق الواحات الطريق واسع و مكشوف ويشجع جدا على الجري والسرعه ... وبعدين بيتقسم الي 1- منزل - 2 - وصله (كوبري ) لاستكمال الطريق الدائري.وصله ملتويه اشبه بحرف S تبداء بعرض حارتين و تنتهي بحاره ضيقه جدا ...
السور عباره عن حائط خرساني عالي جدا (عشان العربيات متعقش من فوقه!!!!)

سيناريو المشكله :- العربيات الصغيره (ملاكي ) بتبقى جايه بسرعات كبيره لحد الوصله ..... يقلل السرعه نسبيا .... يلاقي عرييه كبيره (تريلا - لونج بد عليه كونتينر .... )و معرفش ليه دايما العربيات الكبيره في الحته دي بتمسك الشمال !!!!!
المهم العربيه الصغيره بيلاقي فرق مغري في السرعه يبينه و بين العربيه الكبيره يخليه يعدي من يمينه...... بعد ما يدخل جنب العربيه الكبيره يبتدي الطريق يلف يلف معاه ... المشكله انه بيلف ويضيق
وهنا المشكله ....
اولا : صعوبه زياده السرعه لان دوران العربيه الكبيره مع الملف بيقفل على العربيه الصغيره خصوصا ان الطريق بيضيق فكدا قفل عليه الطريق..
ثانيا :بتكون سرعه العربيه الصغيره اعلا من سرعه العربيه الكبيره يعني عشان يفرمل و يعدي العربيه الكبيره بيبقى صعب جدا يتحكم في العربيه لأنه ملف اولا و ثانيا بيلاقي الطريق ضاق جدا عليه....

دي اخر حادثه شوفتها ... و بصراحه مش قادر اعلق عليها



<?xml:namespace prefix = o ns = "urn:schemas-microsoft-comhttp://www.masrmotors.com/vb/ /><o:p...ht><FONT face=http://www9.0zz0.com/2008/11/29/22/399240560.jpg






بصراحه مش عايز اعلق على الحادثه ... بس بصوا على الخطوط السودا اللي في السور الخرساني ... للأسف دي نتيجه حوادث قبل كده!!!!!!
ياريت يا جماعه اللي يعدي من الوصله دي .... لو شاف اي عربيه كبيره قدامه بلاش يعدي منها خالص .... هي كلها اقل من كيلومتر .... يعني ثواني

ربنا يحفظنا ويكفينا شر الطريق

</DIV>

رد: **نخلي بالنا من الحته دي!!!!
 

ربنا يكفينا شر الطريق دى العربية عاملة زى الموتوسيكل وبالذات فى الصورة الاولى..

فعلا الوصلة دى رخمة اوى..

الا قلى يا سامح تفتكر العربية دى نوعها ايه؟

رد: **نخلي بالنا من الحته دي!!!!
 

والله اعلم ... اعتقد انها كاااااانت فيات اونو حمراااا
الله يرحمها ... و يرحم اللي كان فيها (الرحمه للاموات و الاحياء)

رد: **نخلي بالنا من الحته دي!!!!
 

مش عارف بس اعلق على الموضوع ولا على الصورة الفظيعة ديه

ربنا يسترها علينا جميعا يارب ويكفينا شر الطريق

الاماكن اللى لازم باخد بالى منها :

طريق صلاح سالم اقصى اليمين (بلاعات) اقصى الشمال (تفريعات اليو تيرن الارصفة بتاعتها احيانا خارجة برة الطريق)

النفق المؤدى لمطلع الدائرى من ناحية موقف العاشر ومدينة السلام اقصى اليمين فيه مطبات وحفر جامدة والنفق عامة منحدر بشدة ومهم وانت خارج منة تقلل السرعة علشان التحام الطريق

الدائرى عامة فيه كمية مطبات هواء لا تعد ولا تحصى ولازم ابقى ماسك الدريكسيون بايدى الاتنين

فيه ملف عند الكلية الحربية وانت رايح على السندباد او وانت جاى من الشيراتون او اخر صلاح سالم
الملف جامد واحيانا بتبقى عليه رملة وديه بتخلى عربيات كتير تتقلب

الملف اللى فى اخر طريق الاتوستراد (القادم من النادى الاهلى فى اتجاه الشيراتون) فيه ملف جامد عند الكوبرى كده لازم يتاخد على سرعة اقل من 100كم فى الساعة

دول اللى فاكرهم دلوقتى

رد: **نخلي بالنا من الحته دي!!!!
 

أولا ألف شكر على موضوعك الممتاز و ربنا يرحمنا جميعا يا رب
ثانيا دا سوء تخطيط و تنفيذ واضح جدا ,,و يعنى حتى لو مضطرين يعملو الطريق بالشكل ده المفروض يكون فيه علامات ارشادية من قبل الدخلة دى ب 5 كيلو على الاقل و تتكرر كل نص كيلو زى الدول المحترمة

انا كنت هعمل نفس الحادثة فى نفس المكان من فترة بس ربنا ستر
كان معايا واحد صاحبى و كنت ماشى 130 و اول مرة امشى على الطريق ده و لقيته فجأة بيقولى هدى هدى
و انا بقوله فى ايه يا عم فاصرخ فيا هدى بس هدى اسمع الكلام فاهديت السرعة
و بقوله فيه ايه بقى قالى هاتعرف حالا ... انا قلت دا رادار يعن ولا ايه ..ز المهم شفت اللفة دى و ماصدقتش اللى بيحصل , و قعدت احمد ربنا لأنى بجد لو مكنتش هديت كان زماننا فى الباى باى

و ربنا يسترها معانا جميعا يا رب