|
الحاجات الي تبص عليها وقت الاستلام
يا جماعة انا قلت اعمل التوبيك دا والناس كلها بتستلم كدا علشان يبصوا و يعملوا تشيك على العربية قبل الاستلام اولا بالنسبة للحاجات الي بتيجي مع العربية الاستبن - الكوريك - مفتاح العجل - وعده صيانة ( مفاكات و حاجات كده ) - دواسات - 4 طبات بتوع الجنوط الي فيهم علامة بروتون - الكتب ( دليل المستخدم - دليل الكاسيت - كتاب الصيانة ) الحاجات الي تبص عليها بصة سريعة من بره العربية تبص على الجنوط الكاوتشات البوهية هل فيها خربية لا لا اللمض قدام وورا كلها شغالة ولا لا لمبة الفرامل الي في الشنطة العربية بوجه عام والازاز و المرايات الحاجات الي تبص عليها من جوة العربية الفرش الغطا بتاع مكان الولاعة تفتح الاستاند الي جنب ايدك تشوف لمبة الحزام الانظار بتاع الحزام تدور العربية تجرب الكاسيت وتشوفه mp3 ولا لا تجرب التكييف تشوف العداد عامل كام كيلوا تشوف الهاند واللمبة بتاعتها لمبة الصالون بعد كده ترجع ورا للكنبة تشوفها بتطبق ولا لا القفل شغال كويس ولا لا بعد كدا تشوف مفتاح الشنطة من جوه وتانك البنزين تجرب مكن الازاز كله و تجرب اللوك بتاع مكن الازاز تجرب مفاتيح السيفتي بتاعت الاطفال الي في البيبان الي ورا بعد كده ودا اخر حاجة تنزل تبص على مكان تانك البنزين هتلاقيه متغلف بورقة و ماتفاتحش و كدا يبقى كل حاجة تمام تاخد كتاب الضمان و دليل المستخدم ومع السلامة |
رد: الحاجات الي تبص عليها وقت الاستلام
ممكن افاده عن السيارة مازدا فاميلي لو سمحتم
|
رد: الحاجات الي تبص عليها وقت الاستلام
شكرا علي الموضوع و فعلا فيه حاجات كتير الواحد و هو مستعجل مش بيبص عليها
لما استلمت الياريس و بعد كده ولاعه السجاير كل شويه تعمل قفله اكتشفت انها مش الواعه الاصليه و طبعا كان عدي يجي 6 شهور علي شراء العربيه ما روحتش للراجل:( اقتباس:
|
رد: الحاجات الي تبص عليها وقت الاستلام
تسلم ايدك ا\محمد
واحد سعتها بيكون متاكد انك اول واحد تركبها بس ده ميمنعش التاكد |
رد: الحاجات الي تبص عليها وقت الاستلام
موضوع جميل تسلم ايدك
|
| الساعة الآن 06:10 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017