مصر موتورز مجتمع السيارات - الإستبن بيعمل صوت في المطبات

طبعاً كلنا عارفين مكان الإستبن في الدوجان و الشاهين لما بناخد أي مطب الإستبن بيتهبد في مكانه لأن ما فيش حاجة حاكماه في مكانه (فيه موديلات حلت هذه المشكلة كالرينو لوجان والبروتون ساجا مثلاً) .
و يزداد الهبد كلما زادت حدة المطب بيبقى فرح شعبي ورا في الشنطة:joy23::joy23::joy2 3: حتى مع وجود فرش الشنطة و فيه حل بسيط جداً لإلغاء هذا الصوت و هو إنك تجيب قطعة من الفوم الأزرق (أو الأخضرعند بعض المنتجين) بمقاس 20×20 سم وسمك حوالي 3 - 4 سم وتحشرها بين الكاوتش و بين جدار الفتحة الدائربة في الشنطة.
الفوم ده كثافته عالية حوالي 36 كجم/متر3 و يستحمل الإنضغاط ولا يفرول - لا أنصح بإستعمال الفوم الأبيض اللي إحنا بنسميه البوليسترين و اللي بيستعمل لحماية الأجهزة الكهربائية لأنه بيفرول بسهولة بينما الفوم الأزرق (أو الأخضر) بيستحمل الضغط و ممكن تشيله و تحشره عدد كبير من المرات من غير ما يتغير شكله أو يفرول و في نفس الوقت شكله نضيف و محترم في الشنطة.
الفوم ده ممكن تجيبه من أي واحد عنده مواد عازلة أو من السبتية
أتمنى ما أكونش طولت عليكم و تكون الفكرة مفيدةGIFT4UGIFT4UGIFT4UGI FT4U