مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   تجربة قيادة نيو لوجان الفئة التالتة بعد 300 كم (https://www.masrmotors.com/vb/showthread.php?t=137481)

moustafa.peace 10-03-2015 03:37 PM

تجربة قيادة نيو لوجان الفئة التالتة بعد 300 كم
 
اولا بسلم على كل اعضاء المنتدى واقولهم وحشتونى كتير لانى بقالى كتير مش بدخل المنتدى
ثانيا :- انا كنت حاجز اللوجان فى التوكيل ولغيت الحجز واستلمت من معرض المصرية بدون اوفر بريس بنفس سعر التوكيل
ثالثا :- نتكلم بقى عن العربية والاوبشن بتاعها وادائها على الطريق
نبدء بالمساوىء
1- خامات التابلوه وفرش البيبان بصراحة مش قد كده كان المفروض عربية بالشياكة والجمال ده والسعر ده يبقى افضل من كده
2- مكان تعديل ظهر كرسى السائق واللى جنبة بصراحة رخم شويه ونظام البكره انا شايفة مش كويس يعنى لو انا مستنى واحد وعاوز انزل ظهر الكرسى هفضل الف البكرة وايدى هتتعبنى عكس الاوبترا كان اسهل من كده بكتير
انا لحد الوقت هذا بقالى شهر ماشى بالعربية مشفتش اى حاجة وحشة اعلق بيها على العربية تانى
نيجى بقى للمميزات
1- العربية من ناحية الامان قوية جدا من اول الاتنين اير باج الى بلوتوث الكاسيت اللى بيخليك تتحكم فى الموبيل عن طريق شاشة الكاسيت ويخليك مش تشغل بالك عن الطريق وانت ماسك الموبيل وكمان موضوع بكرة المدى بتاعت النور وزراع الميديا اسفل الدريكسيون
2- موتور العربية 8 صباب زى ما كلنا عارفين وناس كتير هتقول الماتور سحبة وحش لكن الكلام ده مش صحيح لان الماتور قوى وسحبة جميل بس عاوز قلب جرىء مش اكتر
3- استهلاك البنزين انا شايفة رائع جدا انا مش ساعة ما جبت العربية بقالى 3 اسابيع يوميا بروح بيها الشغل من السيدة زينب للمهندسين بخلاف مشاوير العائلة للمريوطية ومدينة نصر وحتى الان الكمبيوتر بيقولى ان لسه قدامى 230 ك عشان افول
4- التكييف حاسس اداءه بصراحة هيكون مش بالقوه المطلوبة بس فى ناس بتشكر فيه جدا انا يدوب جربتة على وضع الاتوماتيك بس مكملتش بيه دقيقة او اقل واقفلتة عشان لسه بلين العربية
5- ثبات العربية جيد جدا انا جبت بيها 100 وكان فية منحنيات وسط الطريق ومحستش باى حاجة فدى حاجة تحسب للعربية رغم علوها عن الارض اللى هو اهم ميزه فيها عشان الطرق بتاعتنا الجميلة
6- عزل العربية جيد جدا ولكن صوت الماتور بيبقى مسموع وعالى بعد 3 ارب بى ام ولكن اعتقد دى عشان لسه العربية بتلين ومع الوقت صوتة هيبقى اهدى من كده
7- ابعاد العربية جميلة وسهلة لكن ابعاد المرايا خداعة شوية بمعنى انك لو فى عربية وراك ممكن المرايا تبين ليك انك خلاص المسافة اللى بينك وبين العربية مفيش ولو نزلت شوفت هتلاقى عكس كده والمسافة كبيرة ودى حلها سنسور بارك وانا ناوى اعمل كده
العربية بصفة عامة جميلة ومميزاتها اكتر من عيوبها اللى انا شايف انها مش عيوب ولكن حاجات عادية فى كل العربيات وبصراحة بحس انى راكب فئة عالية زى الاوبترا او السيراتو رغم فرق السعر لصالح اللوجان

a_sabri 22-05-2015 07:55 AM

رد: تجربة قيادة نيو لوجان الفئة التالتة بعد 300 كم
 
شكرا علي مشاركة التجربة

أنا حجزت رينو لوجان الفئة الرابعة.....وربنا يسهل

AbOnOrA 22-05-2015 03:12 PM

رد: تجربة قيادة نيو لوجان الفئة التالتة بعد 300 كم
 
موضوع البكرة ده يضايق فعلا بس زى ما انت قولت هى اجمالا مش عيوب على قد ما هى تعليقات وتفضيلات ممكن حتى تضايق واحد ومتيحسش بيها واحد تانى لكن اجمالا العربيه جميلة ربنا يباركلك فيها ويهبك خيرها ويكفيك شرها وتسلم ايدك على التقرير الموضوعى الجميل وفى انتظار المزيد من تجاربك وارائك عن العربيه

AbOnOrA 22-05-2015 03:13 PM

رد: تجربة قيادة نيو لوجان الفئة التالتة بعد 300 كم
 
اقتباس:

المشاركة الأصلية كتبت بواسطة a_sabri (المشاركة 1015554)
شكرا علي مشاركة التجربة

أنا حجزت رينو لوجان الفئة الرابعة.....وربنا يسهل

مبروك مقدماً واهلاً بيك فى مصر موتورز yesyes


الساعة الآن 12:51 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017