لو حد جاب اللوجان وجربها ... يقولى اعمل اية
 

ياريت ياجماعة اعرف اداء العربية وثابتها والاوبشن بتاعها جامد ولا لا وهل السواقة بتاعتها بتحسسك بمتعة فى القيادة وهل العربية ممكن السفر بيها اسكندرية والساحل الشمالى
وكنت عاوز اعرف سعة التنك بتاعها اد اية وياريت يكون التقرير مفصل
واية نوع البنزين انا كنت ناوى احطلها الصراحة 95 هل ده حلو ولا كتير عليها ولاقليل ..... ارجو الاضاحة
وهل المرايات الموجوده بها مرايات ضم ....... ويعنى اية كاسيت اوديو

رد: لو حد جاب اللوجان وجربها ... يقولى اعمل اية
 

كاسيت اوديو يعنى لا يقبل ملفات ال ام بى ثرى عادية لأ لازم تحولها الى اوديو او تعملها باستخدام برنامج النيرو
هو ميزته انه صوته نقى لكن عيبه ان السى دى بيحمل عدد 18 اغنية بحد اقصى او بمعنى اصح تقدر تحط على السى دى 80 دقيقة
......................... ............
اداء العربية جيد جدا وماتورها حلو وممتعة فى القيادة والبور بتاعها راسى وتقيل شوية ودة بيديها ثبات ورسيان على الطرق السريعة
ثبات العربية ممتاز بالنسبة لهذه الفئة من السيارات ... وثباتها جيد بالنسبة للسيارات عموما .. وعربية امان جدا جدا
......................
بالنسبة للسفر ممكن تسافر بيها امريكا وترجع مافيش مشكلة ... وهى اصلا عربية للسفر والمسافات البعيدة
......................... ..
المراية ليست مراية ضم .. المراية كهربة يعنى كف المراية بس هو اللى بيتحرك مش المراية باكملها
........................
طبعا الصانع بينصح ببنزين اوكتان عالى 95 حلو 98 يا ريت .. لكن طبعا بالنسبة لينا احنا فى مصر دة مكلف جدا
عموما العربية بتقبل من اول بنزين 91 اوكتان يعنى تقدر تحطلها 90 او 92 والفرق مش كبير اذا 92 افضل
ولو حطيت بنزين 80 العربية مش حتقول لأ بس حيكون فى خطورة على عمر الماتور الافتراضى (على المدى البعيد) مع علو صوت الماتور وصدوربعض الاصوات منه زى صوت التسقيف والكركرة
وبنزين اوكتان 80 لا ينصح بيه الصانع نظرا لان نسبة انضغاط محرك اللوجان 9.5 اذا اقل اوكتان بنزين ليه هو 92

رد: لو حد جاب اللوجان وجربها ... يقولى اعمل اية
 

شكرا استاذ رينجو

رد: لو حد جاب اللوجان وجربها ... يقولى اعمل اية
 

العربية في منتهي النعومة بتخليك مش بتحس بالطريق نهائي

رد: لو حد جاب اللوجان وجربها ... يقولى اعمل اية
 

بجد شكرا جدا استاذ رينجو بجد بحس انى بتكلم مع انسان فاهم اوى فى الرينو وشكلك فعلا بتعشقها بس لو سمحت ممكن تقولى على اسعار لتر البنزين من اول 92 الى 98 واسف للاطالة يارينجو باشا
وانا سمعت من عضو انى لازم احول ال ام بى ثرى الى wav وتكون الاسطوانة اوديو عشان تشتغل على الكاسيت فهل الكلام ده صحيح