مصر موتورز مجتمع السيارات - مشكال سخونه الماروتي

http://t1.gstatic.com/images?q=tbn:A...n5CAojKByQ&t=1
بصراحه انا ملاحظ ان فيه ناس كتير بتشتكي من سخونه الماروتي وخاصة 2008 اليومين دول وانا ملاحظ ان اسباب السخونه بتنحصر في عدة نقاط مهمه وفكرت اني اكتب تجربتي مع سخونه الماتور في الصيف وبعض حلولها
المشكله عندي ظهرت من شهر من ساعة ما بدء الجو الحر كنت في شغلي ومروح من محور 26يوليو فجأة لقيت سخونه العربيه ابتدت تزيد عن الحد الطبيعي بالتالي استنتجت ان احتمال اني اقف بالعربيه فمسكت اليمين وهديت السرعه لقيت الحرارة رجعت لطبيعتها زودت السرعه شويه لقت العربيه سخنت تاني فهديت السرعه لحد ما وصلت ميدان لبنان لقيت العربيه الحراة ارتفعت لحد ما وصلت الحد الاقصي ليها بطلت العربيه وطبعا زي الشاطر مفتحتش الكبوت ابص علي حاجه خالص وسيبتها تهدي شويه وابتدت رحلت العزاب زقت العربيه لحد ما وقفت في مكان امن علشان اكشف علي السيارة
دورت العربيه لقيتها بردت فتوكلت علي الله وروحت بيها
اول ما وصلت الجراش لقيت الميه بتغلي في الريداتير ركنت العربيه وبردت وابتديت ازود ميه بس كنت ناسي ادور العربيه بس الحمد لله ربنا ستر وافتكرت ودورت العربيه وكملت زياة مياه بس كنت ملاحظ ان المروحه مش بتدور ولقيت الريداتير فاضي
لما زودت ميه العربيه اتظبتط وبردت والمروحه دارت وشويه كشفت علي الخراطيم لقيتها سلميه
روحت مشوار للمهندسين لقيت العربيه عملت نفس الموضوع جيبت زجاجة مياه كبيره وطول ما انا في السكه ازود ميه
روحت كشفت علي الريداتير لقيت فيه خرف فكيته وروحت لبتاع ريداتيرات لقيت المفاجه
قالي الريداتير ده الومنيوم ومبيتلحمش وده هيعملك مشكله لان تبريد الالومنيوم ضعيف مش كويس قولت بيشتغلني روحت لواحد غيره قالي نفس الكلام وقالي ممكن الحمهولك بمالده بتاعم اللحام اللي اسمها ايبوكسي ده ماده هيحطها فوق الخرم وقالي ده حل مؤقت لحد ما تشتري ريداتي ولحمته وبالكشف مره اخري اكتشفنا كتر من ثقب قولتله اجيب ريداتير جديد
قالي اللاومنيوم تبريده ضعيف وكمان معظم انواع الميه الخضراء هتاكله ويقبلك نفس العيب بعد مده فنصحني بواحد نحاس بيتفصل وبالفعل جربت وفصلت واحد نحاس وكانت تكلفته اقل من الالومنيوم بكتير وفعلا العربيه سخونتها اختلفت كتير جدا لدرجه اني اول اسبوع افتكرت المروحه والترموستات بيظين لان السخونه مبتعديش النص والمروحه مبتشتغلش ولكن فجئت الن المروحه بتشتغل مده حوالي 20او 25 ثانيه وتفصل وده ناتج ان النحاس بيفقد حراته بسهول والفكره كانت اكتر من رائعه

الحلول لكي لا تفاجئ بالحرارة الزائده للماتور
1- الكشف الدوري علي مستوي المياة في دورة التبريد وده بيتم بأنك قبل ان تدير المحرك صباحاً تكشف علي الميه داخل الريداتير ودهبيتم بفك غطاء الريداتير مش متابعه الاربعه فقط لان ممك الاربه تكون مليانه الوريداتير فاضي
2- غسيل الريداتير كل فتره بخرتوم المياه لازاله الاتربه من عليه حتي يتثني للهواء اثناء المرور من خلاله التبريد بكفائه
3- فك الريداتير بالكامل في بدايه كل صيف وافراغ المياه من داخله وعمل غسيل جيد للريداتير من الداخل والخراج بالماء الجاري لازاله كل الاتساخات من داخله وخارجه
4- وضع مياه تبريد (خضرا او حمراء) علي حسب كتالوج السيرات وتخفيفه بالمياه العاديه ومميزات المياه الخضراء تقليل احتمال ان يصداء الريداتير من الداخل - كفائه عاليه في التبريد - المحافظه علي دائرة التبريد سلميه

يا رب اكون وفقت في توضيح كل الامور المتعلقه بالريداتير والتبريد بالنسبه للماروتي واي سؤال انا في الخدمه