سؤال للخبراء بخصوص بيجو405 موديل 99 ا
 

يا اخواننا انا ماليش فى البيجو وقدامى عربية موديل 99 تكييفوسنتر وباور وزجاج كهربائى الدواخل فابريكةورشة برة نظافة وهى تانى يد من الزيرو وعاملة 176الف كان فيها خبطة فى الرفرف اليمين الخلفى ومعمولة على البارد ولونها كاكاو او بيج مش عارف اسم اللون بالضبط بس العربية محتاجة يتبص على العفشة وفى صوت عند الفتيس وبيروح لما تدوس دبرياج وبصراحة العربية دى عاجبانى قوى وصاحبها ماسك على 45الف اية رأيكم يا جماعة البيجو باللة عليكم لا تبخلوا بالرد عليا

رد: سؤال للخبراء بخصوص بيجو405 موديل 99 ا
 

خلي ميكانيكي ( يكون معرفه و ثقه عشان ميزقكش ) يفحصلك كل شي تحت الكبوت المحرك و الرادياتير الخ الخ الخ
خلي عفشجي ( يكون معرفه و ثقه عشان ميزقكش ) يفحصلك العفشه عشان لو في حاجه مكسوره الخ الخ الخ
خلي سمكري ( يكون معرفه و ثقه عشان ميزقكش ) يفحصلك الشاسيه عشان مواضيع البارومه و الخ الخ الخ
لو الناس دول اجمعوا و قالو تمام صلي صلاه استخاره و توكل علي الله و طبعا افحص كل الكماليات بنفسك
و حاول تخلص ب 40000 جنيه بس و ارجو ان اكون قد افدتك

رد: سؤال للخبراء بخصوص بيجو405 موديل 99 ا
 

موديل 99 اخرها اخرها 45 فعلا بس تنزل حسب الحاله طبعا

لو حالتها حلوه يبقي تستاهل

رد: سؤال للخبراء بخصوص بيجو405 موديل 99 ا
 

دا صوت بليه الدبرياج و بكده حتضطر تفك علشان تغيرها
و لو العربيه سحبها وحش يبقي اعمل حسابك في طقم دبرياج كامل ديسك و اسطوانه و بليه

رد: سؤال للخبراء بخصوص بيجو405 موديل 99 ا
 

العربية واقفتها عاملة زى الاسد وركبتها وبدوس على الاكسراتير بتعاها بتاكل فى الارض بس كل اللى فيها بلية الدبرياج وحاجة خفيفة فى العفشة وحتة بارومة صغيرة امام العجل الخلفى باستثناء هزا العربية جامدة وهى تانى يد من الزيرو اية رأيك يا استاز نور