مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   المرور والشهر العقارى (https://www.masrmotors.com/vb/forumdisplay.php?f=89)
-   -   فضفضه مالك تاكسي (https://www.masrmotors.com/vb/showthread.php?t=452)

islam_galal 03-06-2008 02:03 PM

فضفضه مالك تاكسي
 
أنا راجل علي باب الله ، سيبوكوا بقي من كلام الحكومة و الجرايد عن جشع التجار و سواقين التاكسي و و و
كأن المصريين شعب من الجشعين، داحنا غلابة قوي . . آه و الله غلابة قوي
أنا عايش و الحمد لله و فاتح بيت ، ربنا كرمني و معايا تاكسي لادا موديل تمانينات
لو إطبق القانون الجديد . . . أعمل إيه؟
مش حاقدر أبيع العربيه إلا لما أجيب الجديدة علشان أنقل النمر في المرور من العربية دي للعربيه دي
طب أجيب الجديدة منين

هي الحكومة بتعمل كده ليه، علشان البيئة و شكل السياحة و و و ، يعني هو تغيير التاكسيات هو اللي حيعدل البلد . . . .ماااشي
أجيب منين ، هو أنا مش مصري زيكم طب ساعدوني
- شيلوا الجمارك من العربيات الجديدة اللي حاتقلب تاكسي.
- خليني أحتفظ بالنمرة و أبيع العربية القديمة علشان أحط تمنها مقدمة للجديدة
- طب حتي نظام تقسيط من غير فوايد.

ماهو انا لو ماقدرتش اجيب عربية جديدة ، حابيع القديمة بكام و حيكفوني قد إيه و أعيش بعد كده إزاي

يا جماعة متنسونيش أنا مصري زيكم

(من تأليف العبد لله بكاءا علي حال عباد الله)

mohaned_magdy 11-06-2008 03:44 PM

رد: فضفضه مالك تاكسي
 
ربنا يكرمك ويزيدك بس انا عرفت ان فى مجلس الشعب اعترضو على موضوعين الموضوع الى انت بتتكلم عليه والموضوع التانى الى هو الحبس يعنى الحكومة كانت عايزه عقوبات المرور تكون حبس وربنا يستر علينا جميعاوماتقلقش انشاء الله خير


الساعة الآن 03:20 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017