اسئله المبتدئين ..عفوا ممنوع الفتى :)))
 

زى ما اتفقنا ما حدش يفتى ..ماااااشى علشان انا متعقده من مدرسين السواقه..
و انا اول المبتدئين و ده اول سؤال
1لما اكون نازله من على كوبرى و انا اصلا كنت طالعاه على التانى امور و انزل و رجلى على الفرامل فقط للتحكم والا افضل على الغيار و رجلى دايسه دبرياج و فرامل ؟
والبقيه لاحقا و شكرا مقدما

رد: اسئله المبتدئين ..عفوا ممنوع الفتى :)))
 

الحالتين واحد طالما حضرتك دايسة دبرياج يبقى مش هتفرق العربية ممورة ولا معشقة غيار ...

لان الدبرياج بيعمل عملية فصل ما بين الموتور والفتيس اللى منه للعجل .. يعنى بمعنى اصح بيعمل فصل بين الموتور والعجل ...

فساعتها العربية هتنزل من على الكوبرى بفعل الجاذبية فقط ...


تحت امرك فى باقى الاسئلة ....

نورتى المنتدى GIFT4U ....

رد: اسئله المبتدئين ..عفوا ممنوع الفتى :)))
 

رد: اسئله المبتدئين ..عفوا ممنوع الفتى :)))
 

من غير مانفتى
- طالما حضرتك لسة مبتدأة يبقى لازم تسمعى كل اللى يتقال لك
- والغيار فى طلوع الكوبرى مش شرط الثانى يعنى لو الطريق مفتوح ممكن نمشى على غيار اعلى
- وبعدين نزول الكوبرى ممنوع نهائيا ً تمورى العربية وخليها على غيار - اذا كان الكوبرى ماشى ومش واقف - اما اذا كانت الحركة بطيئة جدا وهنقف كتير يبقى ممكن نمورها
- وان احتجنا نقلل السرعة يبقى مع الدبرياج والموضوع نسبى يعنى كثرة استخدام الدبرياج اثناء التوقف او الحركة ببطىء لة تأثير سىء على المدى الطويل

رد: اسئله المبتدئين ..عفوا ممنوع الفتى :)))
 

رد: اسئله المبتدئين ..عفوا ممنوع الفتى :)))
 

لا شكر على واجب يا فندم ..

الكلام ده صحيح فى حالة ان حضرتك تخليكى على الغيار بس من غير ما تدوسى دبرياج ..

حتلاقى العربية متكتفة شوية فعلا زى ما حضرتك قولتى .. والتكتيفة دى بتزيد حدتها كل ما الغيار يكون اقل ..

والتكتيفة او الفرملة دى فكرتها ان الموتور موصول بالعجل (لان العربية واخدة غيار والدبرياج معشق) .. تمام ..

فعلشان العربية تجرى (بفعل الجاذبية وهى نازلة من الكوبرى) لازم الموتور كمان يلف مع العجل وده اللى بيسبب الفرملة او التكتيفة دى ..

والموضوع ده اسمه فرملة الموتور او engain break ...

لا عادى خالص مفيش اى مشكلة طالما سرعة العربية مناسبة للغيار اللى هتاخديه ..

بمعنى : نفترض ان حضرتك ماشية على سرعة 80 مثلا على الغيار الرابع وفى ادامك مطب مثلا هيحتاج انك تجيبى التانى بعده .. يبقى ممكن نمور ونستنى لما العربية تعدى المطب ونجيب التانى ونكمل ..

وممكن نجيب التانى من ساعتها بس نفضل دايسين دبرياج لغاية لما نهدى ونوصل للسرعة اللى تناسب الغيار التانى ...

وهكذا على جميع الغيارات ...


اى استفسار تانى تحت امرك يا فندم ..

رد: اسئله المبتدئين ..عفوا ممنوع الفتى :)))