مصر موتورز مجتمع السيارات - ادوات كهربائية باسعار الجملة

مصر موتورز مجتمع السيارات (https://www.masrmotors.com/vb/index.php)

- ساحة السوق (https://www.masrmotors.com/vb/forumdisplay.php?f=145)

- - ادوات كهربائية باسعار الجملة (https://www.masrmotors.com/vb/showthread.php?t=49873)

ادوات كهربائية باسعار الجملة

السلام عليكم
انا اخوكم كريم واعمل فى توزيع و تجارة الادوات الكهربائية بالجملة وفكرت فى ان مهنتى ممكن تساعدنى ى خدمة بعض اخوتى فى المنتدى عن طريق توفير الادوات الكهربائية باسعار الجملة ونصف الجملة لمن يحتاجها وهذا يتضمن اللمبات العادية والموفرة للطاقة والفلورسنت والكابلات النحاس والدش والانترنت والمشتركات والوشاش والمفاتيح الخ وانا ايضا تحت امركم فى اى استفسارات فنية او فى النوعيات او الاسعار او حتى لو حد فاتح نشاط الادوات الكهربائية او عنده نية ازوده باحتياجاته برضه ان شاء الله الى جانب انه لدى بعض الاصناف الجديدة والعملية مثل كشاف للراس مفيد جدا فى حالة تعطل السيارة بطريق مظلم او لمبات بالشحن تعمل فى انقطاع التيار او لمبات بالريموت او لمبات تعمل بالصوت الخ

بس اسمحولى اطلب شوية حاجات
يا ريت اللى يعرف سعر الجملة لمنتج ما ياذيش محل بيبيع قطاعى يعنى مثلا حاجة تكون بتتباع ب 10 جنيه واحسبها لاحد الزملاء ب 7 ما يروحش لمحل عايز ياخدها منه ب 7.25 بدل عشرة او حد يقول ان التجار جشعين والكلام ده لان كل واحد بيكون عنده مصاريف وايجار ومصاريف شخصية يغطيها واتمنى اننى اعمل خدمة بدون ايذاء اى حد
ياريت برضه لو حد تانى شغال فى انشطة تجارية بالجملة يفيدنا لو واحد بيبيع مواد غذائية واخر ملابس والخ هانستفيد كلنا فى الاخر بتوفير فى النفقات والتاجر يستفيد ببيع

واتمنى اكون عند حسن الظن

رد: ادوات كهربائية باسعار الجملة

شكرا ليك على اهتمامك بخدمة إخوانك، لكن أهم حاجة حضرتك توضح لينا الحاجات دي مصادرها إيه، وضمانها إيه؟

رد: ادوات كهربائية باسعار الجملة

اقتباس:

المشاركة الأصلية كتبت بواسطة مهند سالم (المشاركة 376541)

شكرا ليك على اهتمامك بخدمة إخوانك، لكن أهم حاجة حضرتك توضح لينا الحاجات دي مصادرها إيه، وضمانها إيه؟

مش فاهم قصد حضرتك بالظبط بس عموما انا بشترى من المصنع او المستورد فى الغالب و ساعات بجيب من الصي على طول والضمان لو تقصد ضمان ضد عيوب الصناعة فدا بيتوقف على المنتج نفسه وانا شغال فى حوالى 400 منتج فصعب قوى تفنيطهم انما طبعا اى بضاعة على تجربة عادى يعنى مش هابيع لحد لمبة محروقة واجرى هههههههه

رد: ادوات كهربائية باسعار الجملة

اقتباس:

المشاركة الأصلية كتبت بواسطة مهند سالم (المشاركة 376541)

شكرا ليك على اهتمامك بخدمة إخوانك، لكن أهم حاجة حضرتك توضح لينا الحاجات دي مصادرها إيه، وضمانها إيه؟

أنا عجباني الفكره عموما وبخاصة جزئية تعميمها يعني لو حد شغال في تجارة الملابس أو الأحذية أو أي منتج إستهلاكي أو أجهزه ويحب يقدم خصومات خاصة للأعضاء كنوع من التفاعل مع مجتمع مصر موتورز فده شيء يحترم ... ولما تتعدد وتتنوع المنتجات يمكن ضم الموضوع بكاملة للقسم التجاري بالمنتدي ... ويبقي فيه بطاقات خاصة للشراء من الأماكن دي بإسم أعضاء مصر موتورز ..... فكرة ممتاذه أحييك عليها ... لو تمت بشفافية وصدق وبضاعه جيده ها تكون ميزه نسبية لمصر موتورز ....وياريت حد من الإدارة لو كان قرأ الموضوع ده يستطلع رأي الإدارة في هذه الفكرة ويقول لنا رأيهم GIFT4U

رد: ادوات كهربائية باسعار الجملة

هوا بالنسبة للادارة انا عرضت عليهم الموضوع الاول قبل ما اعمله قالولى مافيش مشاكل