|
انا سائق تاكس وبجد محتار بين الانوس والاسبيرنزا
السلام عليكم مش عارف ابداء من اين بس المهم انى عاوز عربيه تتحمل مشاق العمل فى القاهره كتاكسى من حيث الراحه والصلابه واسعار قطع الغيار ذهبت لمشاركات كثيره وانا محتار وناس قالت الادا بتاعت شغل بس كام سنه هتقى زى ال128 فرصه الاحلال كويسه جدا بس هى اختيار واحد وانا مش عاوز اضيع هذا الاختيار وسمعت ان قطع غيا الاسبيرنزا انخفضت لو امكن اخر اسعار قطع الغيار لهذه السيارات الانوس والاسبيرنزا ارجو من له تجربه ان يخبرنى بما فيه خير |
رد: انا سائق تاكس وبجد محتار بين الانوس والاسبيرنزا
اهلاً بيك فى مصر موتورز :THE_PR~18:
بالنسبة للاعتمادية والجودة فهى لصالح الانوس عامة بالنسبة لقطع الغيار وسهولة الصيانة لصالح الانوس بالنسبة للكماليات والاتساع الداخلى لصالح الاسبيرانزا بالنسبة لاستهلاك الوقود لصالح الانوس (بشرط الاهتمام بصيانة مجموعة الحقن كلها) اما عن قطع الغيار فحضرتك تسال عن قطع غيار الاسبيرانزا برة التوكيل بالاتصال بالرقم التالى السويسى <!--coloro:#ff8c00--><!--/coloro-->العنوان <!--colorc--><!--/colorc-->/ 28 شارع دمشق - مصر الجديدة <!--coloro:#ff8c00--><!--/coloro-->التليفون <!--colorc--><!--/colorc-->/ 245351986 <!--coloro:#ff8c00--><!--/coloro-->الاستاذ / حسن يوسف ------<!--coloro:#ff8c00--><!--/coloro--> موبايل <!--colorc--><!--/colorc-->: 0104395587 وبالنسبة لقطع غيار الانوس هتلاقى تفاصيل فى الموضوع التالى اسعار قطع غيار الدايو لانوس |
رد: انا سائق تاكس وبجد محتار بين الانوس والاسبيرنزا
شكرا لردك هذا يعنى ان الانوس لها الافضليه للعمل كتاكس فى طرق القاهر وراحه الراكب عده سنوات للعمل كتاكس واما رأيك لانى بجد مش عارف اجيب ايه من سيارات الاحلال المشروع فيه سيارات لانوس اسبيرانزا لادا فيرنا يارين لو تدونى نصحه اغير عربيتى بأى عربيه فيهم وشكرا مره اخرى لتعبك واهتمامك |
رد: انا سائق تاكس وبجد محتار بين الانوس والاسبيرنزا
بص حضرتك لازم تعرف ان عربيات اليومين دول مش زى عربيات زمان ابداً والعربيات فى الفئة ديه سواء كورى او صينى وبالاستخدام بتاع الاجرة لازم لها صيانة دورية وايدك تبقى فى العربية دايماً علشان تلاقيها بعد سنتين وتلاتة
علشان كده نقدر نقول ان الانوس والفيرنا فى كفة (تتفوق فيها على الجميع فى التطور والاعتمادية المقبولة وسهولة الصيانة وتوفر ورخص قطع الغيار بالمقارنة بالاسبيرانزا) والاسبيرانزا فى كفة (كماليات اكتر لكن اداء اقل وقطع غيار اقل انتشاراً واعلى سعراً والصيانة هتبقى فى التوكيل اكتر من اى عربية تانية والتوكيل مشاكلة كتير حتى الان) والادا فى كفة (اقل كماليات ونعومة وراحة بس فى المقابل صيانتها سهلة ومعروفة للاى ميكانيكى وقطع غيارها عند البقال) فذى ما حضرتك شايف مفيش حاجة احسن من التانية فى كل حاجة وحضرتك بس اللى تقدر تقرر ايه الانسب ليك احنا بس بنعرض بيانات والقرار النهائى لحضرتك طبعاً |
رد: انا سائق تاكس وبجد محتار بين الانوس والاسبيرنزا
الف شكر على اهتمامك هذا يعنى ان خير الامو الوسط ومن واجهه نظرى ان لانوس هى الافضل وان شاء الله سوف اصلى الاستخاره اليوم واذهب غدا للبنك لحجز سياره لانوس الف شكر يا ابونورا لاهتمامك |
| الساعة الآن 07:21 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017