مصر موتورز مجتمع السيارات - عاوز اجيب عربيه فى حدود 15000الى 20000

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - عاوز اجيب عربيه فى حدود 15000الى 20000 (https://www.masrmotors.com/vb/showthread.php?t=116292)

عاوز اجيب عربيه فى حدود 15000الى 20000

ده اول موضوع ليها فى المنتدى الجميل ده
انا عاوز اشترى عربيه ودى الاولى ليا ومعايا دلوقتى فى حدود 15000 ممكن يذيده 3 او 4 الاف
انا اولا ساكن فى قريه والعربيه اللى هجيبها مش هحتجها غير فى مشواريين تلاته فى الاسبوع وكل مشوار حوالى 30 كيلو يعنى مش هيكون عليها ضغط
ومحتار مش عارف اجيب ايه عاوز اخد رايكم
الفيات 128
فيات 132
فيات 131 مش عارف الاقى بالفلوس دى ولا لا
ولا لادا فى التمانينات
ماذدا 323
وسمعت عن البيجو 305 والفيات الريجاتا
مش عارف ايه المناسب فيهم

رد: عاوز اجيب عربيه فى حدود 15000الى 20000

؟؟؟؟؟؟؟؟؟؟؟

رد: عاوز اجيب عربيه فى حدود 15000الى 20000

أنا من رأيي خليك فى ال 132 بس زود المبلغ شوية علشان تجيب حاجة نظيفة
وممكن بردو ال 128 فى حدود 20000 تكون حالتها كويسة
وفعلاً أى عربية مع المحافظة عليها بتكون كويسة
انا الحمد لله معايا 128 وكويسة مش وحشة
وفقك الله لأفضل إختيار

رد: عاوز اجيب عربيه فى حدود 15000الى 20000

الافضل 132 في ضوء الامكانيات المتاحه
18000 يجيبولك 132 حالتها كويسه جدا وعلي ابوها وفابريكا دواخل
تابعنا علي الرابط ادناه

https://www.facebook.com/groups/TheLoverOf132/

رد: عاوز اجيب عربيه فى حدود 15000الى 20000

مع أحترامى الكامل للسيارة فيات سوء كانت 128 او 132 وانا واعوذ بالله من قول انا كانت هاشترى 128 وبعدين فكرت 132 وفى الآخر رسيت على لادا 1600 نخش فى التفاصيل .
1- 128 عربية صغيرة وجميلة وشبابية ضيقة شوية وبودى السيارة يعتبر ضعيف وبيحصل فيها شروخات فى حوض الموتور ولادا برده ساعات نفس الكلام بس بودى لادا صعب لقوتها وبتحصل فى حالات خاصة يبقى نستبعد 128.
2- فيات 132 عربية حمارة شغل وبتاعت شقا بس بصراحة عندى فى الإسكندرية مشفتش حاجة ساليمة كلو كنب رايح فى ستين داهية مع انها حمالة أسية ومواتيرها جبارة وأنا فعلا بحب العربية دية جدا لو لقيت حاجة سليمة هات ملقتش متشتريش أبدا.
3- نيجى للادا عربية جميلة نوعا ما مواتير قوية بودى قوى عفشة حمالة اسية حتى لو رايحة فى ستين داهية زى اللى عندى قطع غيار رخيصة ومتوفره ولو حصل لقدر الله اى عطل تصلحه بربع جنية ولو فى اى حتة تعطل تعرف تصلحا ولو عندك خلفية بسيطة عن الميكانيكا ممكن تصلحها بنفسك وعربية من العربيات المعمرة جدا اغلب قطع غيرها تجيبها استيراد ماعدا بعض الحاجات تجيبها جديدة وأتفرج وأركب وأدعيلى.
الخاتمة : -
أنا عن نفس أول ما جبت الادا اللى انا مفكرتش فيها كسيارة ركوب ولا أقتنعت بيها الا بعد ما ركبتها وجاريت بيها وسابقت عربيت وشد وغرز والكلام الفاضى ده ودخلت بيها فى سكك مدغدغة عايزة عربيات جيب علشان تمشى فيها بدأت اقتنع بيها كسيارة استخدام عائلى وكسيارة خدمة شاقة طالما العربية ساليمة وكمان عجبتنى وليها مواقف جدعانة كتيرة معايا فانا حبيت عربيتى وبأذن الله مش هفرط فيها أبدا حتى لو بقى عندى بورشة أو فيرارى أتعرض عليا فيها أسعار عالية بالنسبة لموديل 1983 بس برفض بيعه مرة جبتلى 24000 الف جنية وأنا اساسا جيبة بـ 16000 الف وصارف 4000 الف عليها ورفضت البيع ومازالت أرفضها عربية جميالة حمالة اسية ليها مواقف جدعانة كتير معايا ويعتمد عليها انها حقا سيارة محترمة انها حقا لادا.

أخوك محمد