مصر موتورز مجتمع السيارات - هل نغير الزيت كل 5000 كم احسن

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - هل نغير الزيت كل 5000 كم احسن (https://www.masrmotors.com/vb/showthread.php?t=101334)

هل نغير الزيت كل 5000 كم احسن

في موضوع مهم و انا بدعبس كده في كتالوج العربية لاقيت ان لو العربية شغالة في ظروف قاسية يبقى المفروض بعض بنود جدول الصيانة تنقسم على اتنين زي مثلا تغير الزيت بدل ما يكون كل 10000 كم يكون كل 5000 كم و حاجات تانية
طاب ايه هى الظروف القاسية ؟؟
- القيادة في الزحام (القاهرة طبعا حدث و لا حرج و اسكندرية تقريبا قربت تكون زيها)
- مشاوير قصيرة (أقل من 15 كيلو) (غالبية المشاوير كده)
- تدوير متكرر للسيارة على البارد خلال اليوم (تدويرها بعدما تبرد تماما – طبعا لو راكن في جراج و سايب المفتاح و لا واقف صف تاني و لا... و لا...)
- القيادة في جو بارد جدا أو في جو حار جدا (طبعا كلنا عارفين الجو في مصر في الفترة الاخيرة بقى جحيم)
- القيادة في جو مغبر (عمار يا مصر على نظافة شوارعك)
- القيادة في الرمل أو الطين (عمار يا مصر على سلكان الصرف الصحي و البلاعات فيكي)
- ترك السيارة على السلانسيه لمدد طويلة
- أحمال عالية أو قطر سيارات أخرى
- تدوير المحرك على دوران عالي لمدد طويلة
السؤال بقى هل نغير الزيت كل صيانة 5000 كم في الخباثة كده و هما بيغيروه فى التوكيل كل 10000 كم و لا حانتكشف لأني سمعت ان تغير الزيت بيطلع المكنة من الضمان !!!

رد: هل نغير الزيت كل 5000 كم احسن

ياباشا استعمل زيت تخليقي كل 100000 افضل
موبيل 1
او شل هيلوكس
او توتال كوارتز

رد: هل نغير الزيت كل 5000 كم احسن

اقتباس:

المشاركة الأصلية كتبت بواسطة cmatcho (المشاركة 788120)

ياباشا استعمل زيت تخليقي كل 100000 افضل
موبيل 1
او شل هيلوكس
او توتال كوارتز

ايوه ده كلام سليم بس انا قصدي انا عربيتي لسه في الضمان يعني كده كده التوكيل بيغير الزيت كل 10000 كم في الصيانة الدورية و ده اللي مكتوب في كتالوج العربية ده لو استخدامك مريح للعربية لكن في ظروف القاسية ديه (ده برضو كلام الكتالوج ) يفضل ان زيت 10000كم التخليقي ده تنزله كل 5000 و تغيره .... التوكيل في مصر ماشي على الظروف العادية في الاستخدام مش القاسية اللي انا قلت عليها قبل كده في الاول فأنا بأفكر انا اللي اغير الزيت مرة برة التوكيل عند صيانة 5000 و مرة مع الضمان في التوكيل كل 10000 كم فهل هناك ممكن يكتشفه ان الزيت اتغير في النص و يطلعوا المكنة برة الضمان و لا خليني ماشي على كلامهم كل 10000 و خلاص .... لان انا بتكلم من ناحية الحفاظ على الموتور بحالة ممتازة على المدى البعيد و انا فعليا بعرض العربية كل يوم للظروف ديه .... القيادة في الزحام غالبية الوقت العربية (ساعات الذروة) ماشية لوحدها على (d) من غير ما ادوس بنزين... اسكندرية صغيرة مقارنتا بالقاهرة فغالبية المشاوير بتكون صغيرة (6 – 10 كم).... تدوير متكرر للسيارة على البارد خلال اليوم و تحريكها .... القيادة في جو حار جدا.... حركة البناء في اسكندرية بعد الثورة فالشوارع كلها رمل و طين و الجو غبار ده انا العربية مش بتكمل الغسلة لتاني يوم حتى

فهل انا مبالغ و محسوك زيادة عن اللزوم و لا ايه

رد: هل نغير الزيت كل 5000 كم احسن

بصفة عامة عند تغيير الزيت اما ان تستخدم نفس نوع الزيت السابق واما ان تقوم بتغيير الفلتر مع تغيير الزيت، وبما انك لا تعرف نوع الزيت الموضوع بمعرفة التوكيل فعليك بتغيير الفلتر ايضا وهو ما يعرضك لاكتشاف ذلك وربما تفقد الضمان. رأيى أن تصبر حتى ينتهى الضمان وبعدها افعل ما شئت

رد: هل نغير الزيت كل 5000 كم احسن

حرام تغيره كل 5000
اهدار للفلوس بدون داعي
الزيوت التخليقيه مصممه ل10000