مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   سوق السيارات المصرية (https://www.masrmotors.com/vb/forumdisplay.php?f=147)
-   -   رايكم فى سيارة تويوتا ستارليت (https://www.masrmotors.com/vb/showthread.php?t=146925)

roma999 03-10-2016 10:16 PM

رايكم فى سيارة تويوتا ستارليت
 

السلام عليكم
يا اهل الخبره اعينو صديق جديد ليكو وشاف ان في ناس فاهمه كتير
انا معايا حوالي 15 الف جنيه ولقيت قدامي عربيه تويوتا ستارليت موديل 81
السؤال بقا
هل العربيه دى كويسه وتحديدا الموديل دا هي 1300 CC ؟؟
هل قطع غيراها الداخليه او الخارجيه موجودة بسهوله ؟؟
هل غاليه ؟؟
ولو العربيه من وجه نظر اي حد مش كويسه او اى كان رايه
يقترح عليا اجيب ايه بالمبلغ الي معايا ولا اطنش ومجبش حاجه

roma999 04-10-2016 04:22 PM

رد: سياره
 
حد يفدنى يا اهل الخبره
قبل ما اتدبس في العربيه

AbOnOrA 05-10-2016 02:56 AM

رد: رايكم فى سيارة تويوتا ستارليت
 
معلش يا روما انت كنت عامل عنوان الموضوع مش واضح خالص وبعد اذنك غيرناه لعناون اوضح
التويوتا ستارليت من اجمل العربيات فى الفئه ديه عملية واقتصادية وسواقتها ناعمة وسحبها ممتاز وحجمها عملى جدا فى المناورة او فى الركن موتورها 1300 سى سى بس ادائه على العربية بحجمها ووزنها زى اداء عربية بموتور 1600 اشهر العربيات المنافسه ليها هى
كيا برايد بديل اقل جودة لكن مش اقل عملية خاصة مع توفر قطع الغيار ورخصها
هيونداى اكسيل نفس الكلام وان كانت اقل عملية من البرايد لكن تصميم الصالون احدث وبرضو قطع الغيار متوفرة ورخيصة

الخلاصة العربية حلوة ومميزة لكن قطع غيارها اغلى واقل انتشارا لانها يابانى طبعا بس فى المقابل لو اشتريت عربية حالتها حلوة وكشفت عليها كويس ومتابع صيانتها هتبقى اقيم من اى بديل تانى لكن كل ده لو حالة ممتازة
والبرايد والاكسيل لازم تحطهم فى دماغك برضو لو لقيت حالة ممتازة او حتى جيدة لان صيانتها وقطع غيارهم اسهل وارخص طبعا


انا فى رائى زى ما بننصح دائما فى المستعمل الافضلية للحالة يعنى دور على العربيات التلاتة والحالة الافضل تشتريها


الساعة الآن 04:33 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017