مصر موتورز مجتمع السيارات - ثرموستات الكوعة.... المفترى عليه

النهاردة هتكلم عن جزء مظلوم في العربية... معظم الناس بتعتبره حاجة مالهاش لازمة... ومجرد جزء الخواجات عاملينه عشان العربيات تمشي حلو في بلادهم... إنما احنا في مصر الجو عندنا حر... يا عم شييييل..

فكل ما حد يشتكي إن عربيته بتسخن... تلاقي أول حاجة الناس تقولها: "شيل ثرموستات الكوعة"

http://1.1.1.4/bmi/www.agcoauto.com/...verheating.jpg

لو عرفت الفايدة من ثرموستات الكوعة هتعرف ينفع نشيله ولا لأ

بس الأول .... إيه هو ثرموستات الكوعة؟؟

http://1.1.1.2/bmi/www.carthermostat...Thermostat.jpg http://image.made-in-china.com/4f0j0...Auto-Parts.jpg

ثرموستات الكوعة هو عبارة عن "محبس"، موجود ما بين الموتور والرادياتير، مهمته إنه يتحكم في وصول المياه للرادياتير،

http://1.1.1.3/bmi/1.1.1.1/bmi/www.f...or-service.jpg http://www.websitesushi.com/dakota/w...07/COOLING.jpg

المحبس ده بيفتح ويقفل بطريقة أوتوماتيكية ومن غير أي تدخل خارجي، يعني ولا حساس وكمبيوتر.

http://1.2.3.4/bmi/1.2.3.4/bmi/www.a...Thermostat.jpg http://ecx.images-amazon.com/images/...500_AA300_.jpg http://images.forum-auto.com/mesimag.../calorstat.jpg

من وجهة نظري فكرته عبقرية

فكرة المحبس ده ببساطة هي نفس فكرة الثرمومتر الزئبقي... اللي جواه زئبق بيتمدد مع الحرارة ومنه نقدر نعرف درجة الحرارة كام

الثرموستات ده عبارة عن اسطوانة جواها مادة بتمدد بالحرارة برضو... المادة دي هي شمع البارافين، ولما الشمع يتعرض لدرجة حرارة عالية بيتمدد ويخلي الاسطوانة تتحرك تدريجيا بعيد عن اسطوانة المحبس.

http://1.2.3.4/bmi/omgpham.com/wp-co...thermostat.jpg http://1.1.1.1/bmi/image.mustangmont..._heat_10_z.jpg http://xantia.voila.net/images/schem..._calorstat.gif

الترموستات بيبقى متعاير (مظبوط) على درجة حرارة معينة (بتبقى مكتوبة عليه)... اللي عندها بيبقى مفتوح على الآخر

http://1.1.1.3/bmi/1.1.1.2/bmi/stati...thermostat.gif

طيب ... إيه اللي بيحصل لما الثرموستات ده بيبقى راكب وشغال صح في العربية؟؟

أول ما بتشغل العربية مية التريد بتبقى باردة، ولو المية دي راحت على الرادياتير هيبردها أكتر... في الحالة دي الثرموستات بيبقى قافل ويمنع المية تروح الرادياتير عشان الموتور يسخن بسرعة وياخد وضع التشغيل بأسرع وقت،

http://www.masr1.com/di-68P5.jpg

http://www.masr1.com/di-PUFZ.jpg

ولما المياه تسخن يبدأ يفتح السكة للرادياتير عشان يبردها...

http://www.masr1.com/di-BSIR.jpg

ولو الرادياتير قدر إنه يبرد المية أكتر من اللازم.. الثرموستات هيقفل تاني لحد ما المية توصل للحرارة المطلوبة وبعدين يفتح ... وهكذا

http://www.masr1.com/di-HRU5.jpg

وبكده يحافظ على درجة حرارة ثابتة للتشغيل

عشان كده... ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية

طيب ليه الناس بتقول نلغي الثرموستات لو العربية فيها مشاكل سخونية؟؟

مشكلة ثرموستات الكوعة إنه ممكن يعطل وما يتحركش، وغالبا بيعطل في الوضع المقفول (أو النص مقفول)، وفي الوضع ده المية مش هتتبرد بما يكفي في الرادياتير

بس أهم ميزة في ثرموستات الكوعة إنه بيساعد كمان على التبريد المنتظم للموتور.... لوشلته الموتور مش حيتبرد كويس، وهتبقى السلندرات الأمامية (القريبة من الثرموستات) باردة والسلندرات البعيدة سخنة زيادة عن اللزوم.

http://www.agcoauto.com/content/imag...at_removed.jpg

ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان

طيب ليه درجة حرارة التشغيل لازم تبقى ثابتة؟؟

الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة
لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت.

على فكرة... ثرموستات الكوعة مش للدول الباردة بس

وأكبر إثبات على كلامي... ليه العربيات في الخليج (اللي جوهم أحر جو في العالم) ما بيشيلوش الثرموستات من عربياتهم؟؟؟؟؟

من الآخر... الموتور البارد موتور بيفوت بسرعة.

طيب إيه أهم أعطال الثرموستات؟؟

الثرموستات لما يعطل معناه إنه ما بقاش يعمل المطلوب منه.. إنه يفتح ويقفل مع تغير درجة حرارة المية..

فممكن يعطل وهو مقفول... وفي الحالة دي يبقى الشمع اللي جواه اتسرب.. في الحالة دي لازم الثرموستات يتغير فورا.
وغالبا... الحكاية دي بتحصل لو الموتور سخن قوي ، ولازم نشيك على ثرموستات الكوعة قبل ما نصلح العطل الأساسي اللي سبب السخونية القوية دي.

أو ممكن يعطل وهو مفتوح (أو نص مفتوح)، وعادة دي بتحصل لما الصدا يكتر في مية الرادياتير ويحصل ترسبات على الثرموستات تخليه يتحجر... وهنا غالبا العربية مش هتسخن كويس... في الحالة دي لازم نغير الثرموستات وننضف دايرة التبريد كويس ونحط ميه خضرا.
http://1.2.3.4/bmi/www.agcoauto.com/...stuck_open.jpg

وازاي أعرف إن الثرموستات ده شغال كويس ولا لأ؟؟؟؟

الموضوع سهل وعلى 3 خطوات
بس الأول هنبقى محتاجين نخلع الثرموستات ونعرف درجة حرارة التشغيل اللي مكتوبة عليه

1- لما نخلع الثرموستات ونسيبه في درجة حرارة الغرفة العادية.. المفروض نلاقيه قافل كويس
2- نجيب حوض ميه ونسخنه لحد 15 درجة مئوية قبل درجة حرارة التشغيل... يعني لو ممتوب عليه 90 درجة نسخن لحد 75 بس... ساعتها المفروض يفضل مقفول برضو.
3- نسخن المية لحد درجة حرارة التشغيل... ساعتها المفروض يبقى مفتوح على الآخر.
http://1.2.3.4/bmi/www.agcoauto.com/...imple_test.jpg

لو لقيت إن أي خطوة من التلاتة دول مش مظبوطة... يبقى لازم نغير الثرموستات

ملحوظة: فيه بعض أنواع الثرموستات ممكن تتظبط يدوي... وكان عندي منه في الكريسيدا.

ملخص الكلام

إلغاء ثرموستات الكوعة ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة.

بس لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية

...