هام جداا يرجى الدخول للمهندسين والمحترفين...
 

السلام عليكم ورحمة الله وبركاته...
انا عرفت المنتدى هنا من وانا فى جوجل وبعمل بحث ربنا كرمنى ولقيته...
المهم انا معايا عربية فيكترا 97 من حوالى 4 سنين تقريبا....
طبعا انا عملت فيها وية اختراعات كدة بسيطة وعندى مشكلتين هقولهم حالا.....
فى البداية العربية دى كانت 1600 مانيوال الموتور المصرى العادى(ابو وش اسود)
المهم طلعت فى دماغى وقولت انزل فيها موتور 2000 اتنين كامة الاوروبى....وفعلا عملت كدة بس غيرت الفتيس كمان وركبت فتيس مانيوال كبير جر خلفى اللى هى 2كورونة...والعربية ماشاء الله كانت بتاكل فى الارض اكل...المهم كانت اكبر مشاكلى مع القصة دى حاجتين اولا الوايرات بتاعت عصاية الفتيس كانت ديما مش بتستحمل ودى كانت غالية جدا جدا...وثانيا اسعار مستلزمات الفتيس دة نااااااار زى الديسك والاسطوانة مثلا ب1800 جنيه....المهم قولت اشيل النظام المانيوال ده كله واركب اوتوماتيك واريح دماغى من الوش ده كله ....
وفعلا جبت الفتيس والوحدة بتاعته وكل حاجة تمام وركبته ومشى زى الفل بعد ماقلبت الضفيرة المانيوال لأتوماتيك لأنى ملقتش ضفاير اوتوماتيك شمال....وكله قالى اقلب المانيوال اوتوماتيك احسن ماتقلب الضفيرة اليمين شمال.....وفعلا وديتها عند واحد محترم جدا عملها لى بس ناقصها حاجة غريبة....ان العربية مش بتدور على الn خالص...لازم تدور على الp بس....القصة دى عادى هروحله بيها واشوف ايه الوضع.....المشكلة اللى خانقانى فعلا بقى ان اول ماالماتور نزل فى العربية مكنتش بتسقف ابدااا....اه نسيت اقول ان الكومبيوتر اللى كان نزل كان بيتقرى على الجهاز فى الكشف 1800 رغم ان الموتور 2000(ومحدش يسألنى ازاى) المهم غيرت السوفت وير بتاع الوحدة ونزلت سوفت ال2000 بتاع الموتور اللى بينزل مصر هنا ......المشكلة دلوقت فى حاجتين..
..اولا العربية بتسقف وهى ماشية(مفيهاش وش ولا جوان وش ولا حاجة من دى عن تأكد مليار فى المية) والعربية الحمدلله مالهاش علاقة بالسخونة اطلالالالالالاقا ولا بتستهلك بنزين ابداا..والبنزين بحطه من نفس البنزينه اللى بحط منها عادى و92 وبنزين محترم جداا جدااا..يعنى معدلها تقريبا الحمدلله فوق الممتاز بس موضوع السقفة دى مجننى ومش عارف سببه ايه .
المشكلة التانية بقى هى ان ماسورة ماشية تحت غطاء الفرن بالعرض وبتنتهى فى علبة كدة على يمين الموتور صغيرة انا عاوز اعرف دى ايه وبتستخدم فى ايه....وكمان فيه اربة كدة او بلاور بيركب جنب قربة الماء دى بردو عاوز اعرف فايدتها ايه
بس ياريت بجد وده الاهم حد يقولى سبب السقفة اللى عندى دى ايه....
واسف لو طولت

رد: هام جداا يرجى الدخول للمهندسين والمحترفين...
 

رد: هام جداا يرجى الدخول للمهندسين والمحترفين...
 

أما موضوع السقفة ده ياريت تشرحلي سقفة إزايptmnlo123per1127

رد: هام جداا يرجى الدخول للمهندسين والمحترفين...
 

اولا شكرا ياباشا على ردك.......بالنسبة للصور هحاول اصورهالك ان شاء الله.....
اما بالنسبة للسقفة ودى الاهم فدى حاجة غريبة جدااا......زى ماتكون حاطط بنزين 80 فى العربية بالظبط......او زى مايكون فيها كهرباء زيادة.....هتقولى البنزين هقولك جربت حتى البنزين 95 وبرده نفسس العيب.....هتقولى فلتر الهوا هقولك غيرته جديد....فلتر بنزين برده غيرته....ايرماس برده غيرته......والحقيقة انى لما سألت الفنى اللى بتعامل معاه قالى ان العيب ده موجود فى كتير من مواتير الاستيراد ومحدش يعرف سببه........ياريت حضرتك تفيدنى

رد: هام جداا يرجى الدخول للمهندسين والمحترفين...
 

كمان قالى انه حاول يوصل للسبب ومعرفش....وانه احتمال (على حسب كلامه) يكون السبب تأخير او تقديم فى زمن الحقن ....قولتله طب ده ممكن يكون بسبب ان السوفت اللى نازل بتاع الماتور اللى نزل مصر بينما الماتور اللى عندى الاوروبى سكت شوية وقالى لا ميفرقش........بس هى على السوفت بتاع ال1800 مكنتش بتسقف نهائى