تكتيفة ورجة وتكتكة فى الميجان
 

السلام عليكم
من فترة كان عندى تكتيفة فى الميجان خصوصا مع بداية الدوارة والمشى لمدة ثوان وبعدين تمشى عادى , زاد عليها دلوقتى تكتكة خصوصا بعد ماغيرت صبابات ولما روحت للميكانيكى قالى انها هتطبع مع الوقت والمشى والصوت هيروح , الجديد ان صوت التكتكة بدأ يعلى وبدأ يظهر رجة خفيفة خصوصا بعد الدوارة مباشرة والتكتيفة بدات تظهر تانى واحيانا الار بى ام يعلى مع دوسة البنزين ويروح نازل فجأة والعربية ما تقبلش بنزين وتهبط خالص , روحت لميكانيكى تانى ودورالعربية وقالى صوت التكتكة دا غالبا من شغل الصباب والخراطة وانه مش معمول صح وان التكتيفة وعدم استجابة العربية وهبوط السرعة مع هبوط الار بى ام وتوقف السيارة احيانا تماما وماتقومش الا بعد اعادة تدويرها ان ده اعراض تلف ترس ديفريز او حساس الشكمان , المهم قالى نفصل حساس الشكمان ونشوف المشكلة مستمرة ولا لا ففصله ومشيت بالعربية لكن المشكلة مازالت كلمته قالى يبقى لازم نغير حساس ترس الديفريز .
الحقيقة مابقتش عارف المشكلة فين بالظبط ارجو المساعدة قبل اتخاذ اى اجراء اخر . وشكرا ...