رد:
 

السلام عليكم
الرجاء الردي عليا في طلبي هذا
انا معاق باعوجاج حاد في العمود الفقري من شلل اطفال
ومعي مؤهل جامعي وعاوز اسحب سيارة معاقين
هل يمكن ذلك
ومعي ايضا شهادة من المجلس الاعلي للمعاقين بدولة الكويت
ورخصة قيادة كويتية
فما هي الاجرائات المطلوبة
الرجاء الرد

رد:
 

طبعا من حققك سيارة معاقين وهذا أمر اكيد لان شلل الأطفال بيستحق سيارة معفاه من الجمارك... أما عن الخطوات فهى كالتالى

1 - انك بتروح تقدم علي كمسيون طبي ( مستعجل قبل شهر او عادي بعد 3 شهور )
2 - يتم الكشفك عليك نظر وعظام فى يومين مختلفين
3 - بيطلع جواب من الكمسيون للجمارك اللى انت بتحددها عند التقدم للكمسيون لاول مرة بعد حوالى شهرين من الكشف ان شاء الله بالموافقه
4- بتروح الجمارك وتختار وتنقى من كذا تاجر وتدفع فلوسك والجمارك تبعت لك الملف على المرور اللى هترخص فيه وخلاص

رد: سيــــــــــارات المعاقين
 

السلام عليكم شكرا علي الرد
بس اقدم اوراق الكومسيون فين
واية الاوراق المطلوبة
وما هي المصاريف المطلوبة
ولازم يكون معي رخصة قيادة معاق ولا اي رخصة خاصة عادي

جزاكم الله خيرا

رد: سيــــــــــارات المعاقين
 

اهلا وسهلا بيك ومعاك لحد ما تستلم عربيتك إنشاء الله

أولا: تقديم الأوراق بيكون فى العنوان التالى // مدينة نصر - الحى السادس - شارع الصحة - بجوار جراحات اليوم الواحد - الادارة العامة للمجالس الطبية...والموظفين هناك يبدأوا بعد الساعة 9


أما عن الأوراق المطلوبة فهى
1- صورة البطاقة الشخصية وكذلك صورتين شخصيتين ( دائما خلى معاك صور شخصية 4 فى 6 فى المشوار ده)، وخد معاك قلم علشان مش تقعد تدور ولا تصور.
2- هيعطوك أستمارة تملاها وتحدد فيها الجمرك اللى هتشترى منه على حسب رغبتك. الأكبر والأكثر رواجا هو جمرك بورسعيد طبعا
3- هتملى الأستمارات والراجل هياخد منك الصور وصورة البطاقة ويفتح لك ملف. مش فاكر إذا كان فى دمغات ولا لا.
4- هتادفع 600 جنية للكشف المستعجل أو 300 للكشف العادى. كله بيدفع مستعجل وهتكشف فى خلال اسبوعين على حسب قائمة الإنتظار. هو هيحدد لك الميعاد والمكان بعد ما تملى الأستمارات...

أما عن الرخصة فمش لازم خلاص رخص وفى ناس كتيرة بتجيب سيارات وبعدين تطلع الرخص زى. فوجود الرخصة ليس ضرورى على الإطلاق...

وعلى فكرة أى حد ممكن يعمل لك الخطوات دى يعنى لو مش هتقدر تروح القاهرة ممكن تكلف حد بالمشوار دة..


لما تخلص الخطوات دى نبقى نتكلم فى الباقى. ابقى قولى لى عملت ايه.

رد: سيــــــــــارات المعاقين
 

شكرا علي هذا البيان الوافي
ربنا يجزيك خيرا
وانا انا شاءالله نازل قريب مصر وسوف ابدا في الاجرائات