|
خواطر ما قبل الفيرنا
السلام عليكم طبعا بعد معاناة دامت ل 4 شهور مجتمعين للبحث عن سيارة حيث قضيت 3 شهور بدورعلى عربية مستعملة اوتوماتيك تكون حالتها كويسة لكن لم اجد كل اللى وجدتة عربيات مكتوب فى الاعلان انها فابريقة وطبعا لما بروح اكشف عليها يتضح انها مغيرة نصف او ربع وطبعا اللى بيشترى لما بيقلب فى العربية بيلاقى العربية فبريقة فعلا لان النص اللى كان عامل الحادثة اترمى فى الزبالة او اتباع لتاجر خردة وجه مكانة نصف جديد بحالتة وبنفس اللون كمان يعنى موش بتحاتج لا ترش ولا الحوارات دى خالص وحسبى الله ونعم الوكيل فى كل واحد بيبيع سيارة وبيخبى عيوبها لان لما تخسر فى السيارة افضل ما تخسر الجنة
المهم لما لقيت نفسى 3 شهور ومفيش حاجه حصلت عرفت انى هشترى جديد ولا مفر من التوكيل مع انى كنت مشترك فى حملة ((( خليها تصدى وموديلها يعدى ))) علشان نحارب جشع التجار والمستوردين المحتكرين لسوق وصناعة السيارات فى مصر وتقريبا نفس المشكلة فى الدول العربية بس هما مشاكلهم بتكون مع الليكزس وال هامر واحنا مشاكلنا فى الرينو والبيجو والهيونداى هههههههههه فرق شاسع المهم نرجع لموضوعنا كان امامى رينو لوجان وفيرنا وساجا طبعا الساجا محتاجه سنتين علشان الواحد يشتريها وهو موش خايف من قطع غيارها يفضل معانا اللوجان والفيرنا قولت اجيب لوجان علشان ناشفة على الطريق وتستحمل واقوى من الفيرنا واوسع ولو على الاوتوماتيك موش مشكلة ابق اطحن نفسى فى الاشارات وكلة يهون علشان العربية القوية وكنت خلاص اتفقت مع معرض عربيات على اللون والسعر وكل شئ وقبل ان انزل القاهرة اشتريها ب 3 ساعات شوفت فى النت خبر خلى دمى يفور وصرفت نظر عن اللوجان وتغور اللوجان لو كانوا بيفكروا بالطريقة دى وهسيبكم مع اللينك ده تتفرجوا علي الخبر بنفسكم http://www.akhbaralaalam.net/news_detail.php?id=35621 بس وفى الاخر قولت يا واد خليك مع الموجة لو مصر فيرنا يبق انت كمان لازم تبق فيرناوى وبحاول اتعلم بعض أمور الصيانة علشان لما اقع تحت أيد التوكيل ميكونليش وميسرقش منى فلوس الواحد تعب علشان يجيبها ............ سؤال الموضوع لما اجى استلم الفيرنا اوتو ما هى المواصفات اللى هستلم بيها ان شاء الله وياريت اللى يجاوب يقول كل شئ حتى عدد فوانيس الشبورة يقول هى موجوده وال لاء وحتى نوع الكاسيت والسماعات وشكلها او على الاقل لونها وشكل الجنط او حجمة وكل شئ كل شئ لانى سمعت ان الفيرنا اوتو فيها حاجات اكتر من الفول اوبشن ومش عايز اللى بيسلمها لى يضحك عليا ارجوا الجابة سريعا .......... وفى فكرة جت لى وانا أعد فى البلكونة فى ساعة تجلى وانا بشرب الشاى وان شاء الله ممكن الفرناوية لو اتحدوا مع بعض ينصبوا على التوكيل زى ما التوكيل نصب عليكم وهينصب عليا لما استلم فيرنتى ......................... ................ |
رد: خواطر ما قبل الفيرنا
الفيرنا الاتوماتيك بتيجى بفوانيس شبوره & وجنوط حديد 14 بوصه لونها اسود& مرايات كهرباء & وكمبيوتر معلومات اللى بيبين استهلاك البنزين وكده يعنى
بصراحه ده اللى انا فاكره دلوقتى وربنا يوفقك ويديك خيرها ويكفيك شرها |
رد: خواطر ما قبل الفيرنا
شكرا ليك يا غالى واى حاجه تفتكرها اكتبها بسرعة قبل ما استلمها لان لو استلمتها موش هقد ارجع للمعرض تانى وانا بشكرك على الاجابة السريعة
|
رد: خواطر ما قبل الفيرنا
هاه يا رجال الفيرنا افيدونا قبل ما استلم العربية ويكون فى حاجه فيها ناقصة هى فيرنا اوتوماتيك وعايز شرح ولو سريع ازاى اعرف ان الشئ ده هو الاصلى موش متغير من صاحب المعرض او من السواق اللى جاب العربية
معلش انا كان معايا ال الفيات ال 124 وبعدها لادا 2105 اول مرة ادخل على العربيات اللى فيها خواص و اوبشن كتير افيدونا افادكم الله |
رد: خواطر ما قبل الفيرنا
بالتوفيق ان شاء الله واحييك على اختيارك الفيرنا افضل فئاتها, وانا انقل رسالة لى بعثتها لاحد الاصدقاء حول الفيرنا الاوتوماتيك وارجو برضه لصاحب السؤال ان يدخل على كونتاكت كارز ويشوف تقييم السيارة ويقارنه بغيره من تقييم باقى الفئة السعرية وده مهم جدا تحديد الفئة... واليك تعليقى:هى سيارة جميلة جدا ومتوازنة فى كل شئ: السعر :يلائم امكانياتها جدا جدا ولا تكاد تلاحظ اى فرق بينها وبين من اعلى منها فى حدود ال100الف... كلهم زى بعض لذلك هى افضل بالسعر 74الف, وهى تعتبر الهاى لاين بتاع الفيرنا لان التوكيل مهتم جدا بتقفيلها خامات كويسة مفيش تعليق عليها(سيبك من اللى بيفتى وبس)الجنوط 14 والكاوتش185/65(اللى استلمته انا نوعه لازا التركى)فهى اعلى واثبت من باقى الفرناوات(حلوة الفيرناوات دى) تكييف ممتاز_بس لازم تجربه كويس عند الاستلام_كاسيت سى دى جيد جداونظام صوتى جيد و4سماعات جيدين.... الصالون واسع بيشيل 3من احجام كبيرة,الاسرة عندى4ابناءاعمار مختلفة بيقعدوا كلهم ورا وطبعا المدام قدام,ولى صديق187سم ولم يشتكى...اضائة الصالون ممتازة ورا وقدام هناك اضائة.... الاضائة تخفت تدريجيا بعد غلق السيارة.مصابيح شبورة..2مرايات جانبية كهرباء..مذيب للصقيع..مسند يد للسائق مقابض نيكل من الداخل..الابواب مبطنة ..اريال كهربائى. اهم حاجة تجربة السيارة والتشييك على كل شئ قبل الاستلام.....بالنسبة للاوتوماتيك مفيش له مشاكل طول ماانت سواقتك هادية وسلسة مافيهاش عفرتة..وهو مرييييييييييح جدا وهو نفس الفتيس بتاع الجيتز والالينترا2006وكذلك الماتريكس ومحدش اشتكى منه ولى صديق معه الاوتوماتيك من2004 ولم يحدث عطل واحد..اه لم يحصل عطل واحد...وهناك زرار الاوفر درايف الذى يسقط نقلة ويثبت لك السرعة عند80مهما دوست لن تتخطى ال80(ايه رأيك؟؟). الشئ الوحيد اللى ممكن انبه عليه هو استعمال السيارة الجيد وخصوصا الفرامل لانك هاتستعمل الفرامل كتير واكتر من المانيوال لذلك لازم تكون شديده وده هايحتاج منك تشييك عليها من فترة لفترة.. انا اللى معايا فيرنا 2010فول اوبشن اوتوماتيك..بعد دراسة ومقارنات لمدة6شهور وجدت ان كل اللى اعلى من الفيرنا الاوتوماتيك سعرا لغاية100الف مافيهوش اى زيادة حقيقية تغرينى بالفرق وطبعا الشكل جميل وفيه لون طالع جديد زيتونى كده او قريب من اللون ده برضه حلو ..انا اللى معايا نبيتى.)))))ptmnlo123per171ptmnlo123p er171ptmnlo123per171ptmnl o123per171ptmnlo123per171 ptmnlo123per171
|
| الساعة الآن 10:33 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017