السلام عليكم ورحمه الله وبركاته
انا عضو جديد بالنسبه لسيارات رينو
نظرا لان المبلغ اللى كان معى محدود حوالى 20 الف جنيه
فبدات البحث عن سيارة عائلية بشرط الحاله الجيدة جدا والقوه والمتانه والثبات على الطريق
انحصر بحثى طبقا لمؤشرات السوق المصرية على السيارات الاتيه
بولونيز - بيجو 305 - ورينو 18
خلال شهر من البحث وتقليب فى السيارات السابقة ومعاناتى فى الاتصالات باصحاب السيارات وكل واحد بيتغنة فى سيارته وواضع صور جميله وسعرها عالى
لكن عن الواقع بتتصدم تشوف السيارة كانها عشه فراخ فارجع اعيد الكره مره تلو مره اخرى للبحث عن سيارة افضل
وجدت سيارة بلونيز حالتها كويسه صاحبها طالب 23 الف صاحبها معدل فى الكبوت والفوانيس الامامية تعطيك انطباع افضل لكن تحس كانك راكب مجنزرة والابواب بطبيعتها لازم تترزع جامد اعطيته سعر 19 الف ولكنه لم يرد على
شاهدت البيجو 305 عربيه عالية اه لكن الاصوات بتدخل للك من كل مكان والحوض فيها رخم بيجعل اغلب الميكانيكية لا يتعاملوا معها السيارة موتورها عالى وصاحبها طالب 17 الف جنية فتركتها ولم اعقب
بعد كل تلك المعانات والذهاب لاصحاب السيارات او سوق العاشر فى السوق تجد اسعار خيالية ولا فى بيع ولا شراء
المهم
شاهدت اعلان بالامس عن سيارة رينو18 موديل 80 والصور وتعليق صاحبها شدنى اكثر فحددت معه ميعاد لمعاينه السيارة
قبل ان اذهب اليه تجولت عن وبحث عن اسعارها وجدتها يتراوح مابين 13 الف الى 27 الف جنية
وعرفت انها سيارة جميلة بشرط المحافظه عليها وان اسعار قطع غيارها غاليه لكن معمرة
ذهب لصاحب السيارة ورايت الواقع على الطبيعه وهو كالتالى
بسؤال صاحب السيارة عن حياه السيارة الماضية ابغلنى انه اشتراها من صاحبها وكانت مرفوعه اكثر من عشر سنوات وبعد فحص السيارة يدل على انها كانت مرفوعه بدليل ان المتعلقات التى تأتى مع السيارة اماكنها موجودة ولم تستهلك بطن السيارة لم تطاله البرومه الشنطه لم يتم العبث بها
السيارة جنوط سبور
الموتور ناعم
العفشة كويسه رغم قياده على طريق مكسر لا فيه رزع ولا تخبيط
زجاج كهربه
وحده رفع
انذار
السيارة بها غاز خالص
كاسيت

قوائم السيارة تمام والابواب غلق وفتح تمام هدوء تام داخل السيارة
شاشة عرض بالاضافه لكاميرا خلفية
التابلوه حالته جيدة هو والصالون

السيارة مش محتاجه يتعمل فيها حاجة الا فى المستقبل ان شاء الله تغيير كاوتشين اضعهم فى الامام وارجع النظاف للخلف فقط لا غير

البيع سوف يكون بشهاده بيانات ومخالفات نظرا لان الرخصه منتهية

المشكلة هنا

الحوض مش فابريقة ويوجد شرخ خفيف اعلى المساعدين سألت صديق لى اخبرنى انه احتمال تكون السيارة اتخبطت من الامام واثرت على الشاسية فتم استعداله ومع المشى السريع والمطبات دثت تلك الشروخ ولما سألت صاحبها عن سبب الشروخ اخبرنى انه اشتراها على وضعها الحالى ولم تسبب له اى مشكلة اطلاقا

صاحبها طالب 19 الف جنيه

فكنت فى حيرة من امرى علما بأننى عاينت سيارات كتيرة ولم اجد سيارة مثل تلك السيارة وخايف اعطى سعر قليل واندم عليه بالاضافه ان الاتصالات اللى كانت بتيجى لصاحب السيارة امامى للحضور بعد صلاه الجمعه

واخيرا اهتديت وحسبت الكماليات اللى فيها وتوكلت على الله

وخلصت فيها على 18500 جنيه

الان

ان شاء الله بعد استلام السيارة سوف اذهب الى سمكرى لكى يطمئنى على حاله الشاسية

هل اللى انا عملته صح ام خطا

وهل تنصحونى بيه للاهتمام بالسيارة

وشكرا لسعه صدوركم