|
موضوع التنطيط .. نيو أكسنت
السلام عليكم و رحمة الله و بركاته أنا بقالي فترة محتار بين المستعمل و الزيرو و بعد عناء قررت اني اركز في الزيرو و عشان الميزانية لاقيت الاختيار المناسب هو نيو أكسنت بس من متابعتي للمواضيع في المنتدي لاقيت كلام كتير عن العفشة و التنطيط و تقريبا لاقيت ان ده العيب اللي كل الناس اجمعت عليه فياريت من الملاك شوية تفاصيل عن المشكلة دي يعني مثلا المشكلة دي موجودة علي طول ولا علي السرعات العالية بس و لو علي السرعات طاب بنحس بيها عند كام؟ و ايه مدي التنطيط؟ و هل ده بيأثر علي الثبات؟ و ياريت برضه لو نعرف رأي الملاك أكتر ... و لو رجع بيهم الزمن كانوا برضه هيشتروها؟ |
رد: موضوع التنطيط .. نيو أكسنت
والله انا جايبها وعامله معايا حوالي 2000 كيلو وملاحظتش التنطيط وعديت بيها ال 100 وبرضو مش ملحوووظ ده لو في زي ما بيقولو هيا بس في المطبات عايزه تخدها براحه زياده عشان بتحس بيها فعلا لكن موضوع التنطيط ده معرفش
|
رد: موضوع التنطيط .. نيو أكسنت
اقتباس:
و الله الموضوع ده الحاجة الوحيدة اللي مخوفاني من العربية كلامك بيقول ان الموضوع مش ملحوظ و دي حاجة كويسة و جزاكم الله خير علي اهتمامك و ياريت ملاك العربية برضه يشاركونا المعلومة خصوصا اللي العربية معاهم بقالها فترة |
رد: موضوع التنطيط .. نيو أكسنت
بص يا سيدى انا مش معايا اانيو اكسنت ولكنى ركبتها كتاكسى اكتر من مره يعنى ركبت حوالى 5 سيارات لغاية دلوقتى وعاى سرعات عالية لانى كنت مسافر والعربيه ما شاء الله ميه ميه اعتقد ان اللى بيقول بتتنطط هوا بص عليها من بره وهى ماششية على سرعة واعتقد ان ده شى طبيعى
|
رد: موضوع التنطيط .. نيو أكسنت
بص علشان اريحك لو محتاجك نفس النيو اكسنت بروح اكثر رياضية واداء اكثر ابهارا وان كانت نفس جوهر السيارة قلبا وقالبا انصحك بالكيا ريو وشكرا لك وريح بالك وتقبل تحياتى
|
| الساعة الآن 09:03 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017