مصر موتورز مجتمع السيارات - محرك اللوجان والكماليات

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - محرك اللوجان والكماليات (https://www.masrmotors.com/vb/showthread.php?t=13986)

محرك اللوجان والكماليات

في الاول قدمت موضوع عن اراء الناس اللي جربوا اللوجان سواء المميزات او العيوب نيجي بقي للتقرير الفني للوجان 2010

طول السيارة الاجمالي 4290 مم وعرضها 1740 مم و دي طبعا عملت مساحة رهيبة في المقصورة ودة سر الاتساع الرهيب بجد يعني من الاخر المقصورة الخلفية مساحتها 1428 مم
ودة يخليها تاخد 3 افراد طولهم 190سم مستريحين و دة عشان الرومان طول وعرض مشاء الله
ودة لان مساحة الراس في المقصورة الخلفية 873مم
وطبعا كلنا عارفين ان الشنطة 510 لتر!! لو قارناها بالانوس مثلا 320لتر يعني شنطة ما شاء الله

المحرك هي متوفرة بمحرك 1600cc اللي هو سعة 1.6 لتر مزود ب 16 صمام يقوم بتوليد 105 حصان (77 كيلوواط) عند دوران المحرك 5750 دورة/الدقيقة. عزم الدوران 148نيوتن/متر وهو احادي الكامة ويحمل السيارة للوصول الي سرعة قصوي 183كم/الساعة وهو المعدل بتاع الميجان 1 مش زي ما كل الناس فاكرة انه هو هو اللي مستخدم في الميجان 1 ودة اللي خلاه سلس مديله نعومة فائقة

نيجي للكماليات
1.التكيف 4سرعات
2.راديو سي دي 4 سماعات
3.فوج لايت
4.صندوق التابلوه مزود بصباح اضاءة
5.كونصول في الوسط
6.نظام تدفئة للزجاج لمنع تكون بخار الماء
7.مرايات كرباء
8. 4زجاج كرباء
9.كمبيوتر معلومات
10.الاجزاء الداخلية بها حليات فضية(نواكل)

نيجي للسلامة
اولا واخدة 3 نجوم في اختبار ال eurocap للتصادم
مزودة بوسادة هوائية للسائق

ودة ملخص تقرير شركة رينو مقدماه في الكاتالوج
وياريت تقبلوني وسط اسرة مصر موتورز انا عضو جديد fox واللي عنده اي حاجة عن اللوجان ياريت يفيدني حتي اصحح من معلوماتي حول اللوجانptmnlo123per179:jo y23:

رد: محرك اللوجان والكماليات

باشا معلش انا عندى تعليقين على كلام حضرتك
اولا العربيه 1600 وده صحيح انما 8 صباب مش 16
ثانيا العربيه 90 حصان مش 105
ثالثا مع كامل احترامى لكلام حضرتك لكن الموتور هو نفسه موتور الميجان 1 مش متعدل لكن الفتيس هو اللى جديد على الموتور لكن الموتور نفسه موتور الميجان 1
تقبل تحياتى وشكرى على مجهودك

رد: محرك اللوجان والكماليات

طبعا مشكور علي مرورك بس صدقني انا معدلتش علي حاجة من كتالوج التوكيل مع احترامي الكامل لحضرتك انا عن نفسي لسة متعرفتش عليها بشكل قوي بس اولا انا مقلتش انة 8 صباب انا قلت انه 16 صمام

رد: محرك اللوجان والكماليات

ايه يا ناس رودوكوا فين

رد: محرك اللوجان والكماليات

اقتباس:

المشاركة الأصلية كتبت بواسطة flashfox (المشاركة 83965)

انا عندى تعليق على الكلام وياريت تاخد بالك منه كلمه صباب =صمام
الموتور ده SOHC
Single overhead camshaft
يعنى الموتور ده كامه واحده

الموتور ده 2 valves per cylinder
8 valves in total
يعنى 8 صباب (او صمام عشان متزعلش)وان كل سليندر فيه 2 صباب
زيها زى اللانوس كده مش زى الفيرنا اللى هى 16 وكامتين مش كامه واحده
ياريت حضرتك تسأل وسيبك من كلام التوكيل اللى بيحاول يحلى فى العربيه عشان تبيع بأى طريقه(كلامى ده على كل التوكيلات مش على توكيل رينو وكلامى ده مالوش علاقه بطريقه معامله التوكيل للعملاء)