قربه الميه للرادياتير للميجان II 2005
 

السلام عليكم ورحمه الله و بركاته

قربه الميه للرادياتير للميجان II 2005

في الاول بس انا عاوز اشكر المنتدى دا كله على بعضه احلى شكر لانه فادني كتيير جداا في حاجات كتتير جدا

انا حصل عندي تهريب في الرادياتير و الحمد لله صلحته و في اثناء المعركه القربه اتشرخت من مكان اللحام بتاع المصنع من فوق وكانت بتهرب بس بعد ما اطفي العربيه (و العربيه دايره مكانتش بتنقط)
المهم عملتها بلزق ال EPOXY و التهريب راح خلاص

السؤال:
1- بقا اغيرها ولا اسيبها ... مع العلم ان الجو عندي حر حر جداااااا ؟؟؟

2- هل فيه تفسير ليه الميه مكانتش بتهرب الا بعد ما اطفي العربيه و المروحه تشتغل و العربيه مطفيه ؟؟؟ لاني كنت بسمع اصوات خبط الميه في الرادياتير و القربه؟؟؟

3- حد يقدر يفيدني ازاي اغير القربه لاني لو لقيت الموضوع معقول هاغيرها انا و خلاص....

انا هاحط صور ممكن تساعدكوا تشرحولي ياريت تنزلوها من اللينك لاني معرفتش احطها على المنتدى

megane II 2005 - Download - 4shared

شكرااا

رد: قربه الميه للرادياتير للميجان II 2005
 

رد: قربه الميه للرادياتير للميجان II 2005
 

عشان تغير القربة

هتفك المصفحة

هتجيب كوريك تمساح وتسند بيه الموتور من تحت ( كرتيرة الزيت بيبقى فيها شبكة مخصصة لوضع الكوريك تحتها )
بعدين هتفك قاعدة الموتور العلوية وبعدها هتفك مواسير القربة ببنسة بتضغط بيها على القفزان وترجعها لورا وتشد الخراطيم لبرا

وتغيرها

أنا بلحم البلاستيك بطريقة أحسن من كدا ..بجيب أسلاك الشعر دى اللى بتبقى جوا كابل الإشارة اللى بيركب بين طبق الدش والريسيفر ..... وبستخدم مكواة لحام بعمل بيها شبكة على الجزء المكسور بعدين ألحمها بال epoxy دى طريقة أفضل بكتير وأمان جدا