سيارتي الجديدة اتجرحت .. أعمل إيه ؟
 

مش عارف اعمل ايه يا جماعة
سيارتي الصني موديل 2011 لونها نبيتي ..
ولسة مستلمها من اسبوع واحد فقط
للاسف الاكصدام بتاعها اتجرح من الامام مساء امس
بسبب سيارة شاهين قديمة قائدها "مستبيع" مر من امام سيارتي في منطقة زحمة والجانب اليمين لسيارته ملتصق بالاكصدام الامامي عندي ومروره ده كان بسرعة جدا مما جعل سيارته تحك في اكصدام سيارتي بسرعة وطبعا اكيد سيارته اتجرحت من الجانب بس انا ماعرفش ايه اللي حصل عنده لانه لم يقف وجري بسرعة
هي الخدوش عندي مش جامدة قوي لكن واضحة طبعا وشكلها يزعل لانها لم يمضي عليها اسبوع ..
انا حمدت ربنا انها جت علي أد الخرابيش في الاكصدام ، لان عيون كل اللي شافوها كانت حاتكلها
المهم سؤالي .. أعمل ايه بقي ، انا كنت سمعت ان فيه أقلام بأكواد ألوان نيسان لتلافي مثل هذه الخدوش.. ياريت فيه حد من الاعضاء الكرام يقدر يدلني اجيب قلم نبيتي لسيارتي منين ولا فيه طريقة تانية اداري بيها الخرابيش دي .. ولا ممكن في التوكيل وانا باعمل صيانة الألف يعالجوا هم الخرابيش دي .. ياريت تفيدوني جزاكم الله خير

رد: سيارتي الجديدة اتجرحت .. أعمل إيه ؟
 

والله أنا متربص اشوف ردود لأنى نفسى الاقى الاقلام دى فى القاهرة بدل ما أستنى لما أروح اسكندرية أول الشهر (عمار يا اسكندرية).

رد: سيارتي الجديدة اتجرحت .. أعمل إيه ؟
 

لو الاقلام دي موجودة في اسكندرية انا ممكن ارسل اجيبها من هناك
ولو في هي أحد من الأخوة الأعضاء يقدر يفيدني أزاي أحدد كود لون سيارتي النبيتي
وهل فيه مكان في السيارة بيكون مكتوب عليه كود اللون
علشان اقدر احدد أشتري اي قلم بالضبط

رد: سيارتي الجديدة اتجرحت .. أعمل إيه ؟
 

طبعا موجودة فى الاسكندرية هو أنت فاكر الاسكندرية زى القاهرة ولا اية؟!!!!! لو مش مصدقنى خد كلم وليد عصفور (012360366) يجيبلك لبن العصفور بس قولة انك من طرف هشام باهى.

رد: سيارتي الجديدة اتجرحت .. أعمل إيه ؟
 

أنا من رأيى و طبعا الرأى الأخير ليك, أنك تسيبها و تمشى بيها كده شويه , لحد الناس و الأصحاب و المعاف كلهم مايشوفوها و تاخد عنيهم و محدش يحسدك بعد كده و بعدها , ابقى روح لمع العربية عند اى بوهيجى نظيف أو اشترى القلم اللى حضرتك بتقول عليه .