مصر موتورز مجتمع السيارات - استفسار عن ماتريكس 2008

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - استفسار عن ماتريكس 2008 (https://www.masrmotors.com/vb/showthread.php?t=138389)

استفسار عن ماتريكس 2008

معروض عليا سياره ماتريكس 2008 اوتوماتيك بدون فتحة سقف فبريكه برا وجوه وصاحبها حيرشها رشه نظافة + 5 فرد كاوتش جديده ولا تحتاج اى مصاريف ورخصة سارية سنه ونص والمبلغ المطلوب كان فالاول 76 الف وبعدين رجع وقال 80 الف واخيرا وصلنا لـ 79 الف جنية كلام نهائى .
1- هل السعر مناسب ام لا .
2- السياره من محافظة القاهره وانا من الاسكندرية آمل الافاده عن الاجراءات مع العلم اننى لا اريد نقل ملكية فالوقت الحالى للاستفاده من المدة المتبقية بالرخصة وهى سنه ونص .

رد: استفسار عن ماتريكس 2008

ما كانت كويسه بال 76 ..بص ..رأيي كده ما دام رجع في كلامه من الأول ..يبقى ممكن يقرفك في أي حاجه تانيه ..ما تشوف حاجه هنا في إسكندرية

رد: استفسار عن ماتريكس 2008

والله انا قفلت معاه لما ده حصل لكن المشكله انى بتفاهم مع اخو صاحب العربيه اللى هو صديق قديم ويعتبر اخ بالنسبالى ومحبتش اعمل مشكله وكل اللى همنى انى اتاكد هل السعر كويس ولا كده هما جم عليا

رد: استفسار عن ماتريكس 2008

اقتباس:

المشاركة الأصلية كتبت بواسطة ابوالديشا (المشاركة 1010945)

أنا فركشت بيعة عربيه قبل كده عشان صاحب العربيه مقاليش إن الرخصه منتهية ..رغم إنه إعتذر بعد كده وراح جدد الرخصه ..وجه بعد ما راح جدد قالي تعالى بقى عشان أعملك التوكيل ..قلتله لأ ..شكرا ..أنا صرفت الفلوس اللي كنت هشتري بيها ولما ربنا يفرجها هبقى أشتري ..الغرض من الكلام ..إن ده بيع وشرا ..وكلمة ..المفروض يبقى راجل وما دام قال على سعر يبقى خلاص ..طيب إنت إيش ضمنك إنه ييجي يوم التوكيل يبتزك في أي فلوس تاني تحت أي مسمى ..حتى لو كانوا الميت جنيه بتوع التوكيل اللي هيعملهولك ..والتوكيل ده على البائع مش على المشتري ..أنا لو مكانك هقفش من البيعة ..وهي عموما بالسعر ده مش لقطه ..بس السعر يمشي لو إنت غاوي

رد: استفسار عن ماتريكس 2008

الف شكر ليكم