خبر هيخليني أفكر 100 مرة قبل ما اشتري اللوجان
 

انا كنت ناوي أحجز اللوجان أخر الشهر ده ان شاء الله
بس وزير البترول الله يسامحه ( ويجازي الحكومة اللي مضياقنا دي) طلع في برنامج ممكن مع خيري رمضان من كام يوم واتكلم على دهم البزين وكان الكلام كالأتي:
العربيات اللي الماتور بتاعها اقل من 1400 سي سي هتاخد دعم كامل للبنزين عن طريق توزيع بطاقة زي الفيزا كده ( وهيدفع ثمن البزين عادي مدعم )
العربيات اللي أكتر من 1400 سي سي هتاخد دعم جزئي ( يعني سعر البنزين هيغلى عليهم) ومش هيستسلموا بطاقات الدعم وده هيطبق على العربيات من أول موديل 1990 والكلام ده هيتنفذ من اول ابريل القادم
كلامه ده على اعتبار ان كل واحد معاه عربية اكتر من 1400 سي سي راجل مرف ومش محتاج للدعم ولازم الدعم يروح لمستحقيه اللي هما اقل من 1400 سي سي
وسعادة الوزين ميعرقش ان معظم العربيات اللي ماشية في شوارع مصر 1600 سي سي
دخلت انا على كونتاكت كار وحبيت اشوق ايه العربيات الي في نفس الفئة السعرية واقل من 1400 سي سي
لقيت هيونداي اي 10 (اغلى خوالي الف واقل في الامكانيات)
اسبرانزاa113 (طبعا ارخص وصيني)
الساجا ( أرخص حوال ثلاثة الاف بس توكيل تعبان)
في بعد كده السازوكي ماروتي ( ب 40 الف على قد حالها)
والمفاجأة اني لقيت اللادا بتاعت زمان 1600 سي سي و بخمسين الف تقريبا

يا تري يا جماعة حد سمع لخبر ده او حد يأكد اذا كان هينفذ ولا زي كلام الحكومة هنلاقي بكره نفي للخبر ويقولوا الوزير مكنش قصده ( وبعدين انتوا يا شعب بتاخدوا كل الكلام جد ليه كده هي الحكومة متعرفش تهزر معاكم شوية)
العمل ايه يا جماعة؟ هعمل ايه ؟ اروح احجز زي ما كنت ناوي ولا ايه؟ ولا انزل الميدان احسن اعتصم؟

رد: خبر هيخليني أفكر 100 مرة قبل ما اشتري اللوجان
 

و الله عندك حق حكومة عايزة الولعة
غالبية العربيات فى مصر 1600 سىسى
و دى مش رفاهيو ولا حاجه دى تعتبر عربيات تعبانة مبتدخلش دول كتير
دى اللوجان عربية الغلابة فى اوروبا الى ميقدروش يشترو جديد
يا رب أصلح حال بلدى و أرزقنا من يخاف على بلادنا و أهلها
اللهم أمين

رد: خبر هيخليني أفكر 100 مرة قبل ما اشتري اللوجان
 

حسبى الله ونعم الوكيلhttp://www.masrmotors.com/vb/images/smilies/cry2W9.gif

رد: خبر هيخليني أفكر 100 مرة قبل ما اشتري اللوجان
 

وزير البترول طلع تاني في التلفزيون بس المرة دي مع وائل الابراشي وقال انا غلطت في حلقة خيري رمضان وقولت ان الدعم لما هو تحت 1400 سي سي بس الحقيقي الدعم لل 1600 سي سي وأقل من كده
الوزير صحح المعلومة واعتذر يا جماعة
خلاص هحجز اللوجان ان شاء الله:danceW7: ( بس قال لكل واحد 5 لتر يوميا مدعمين بس والباقي مع نفسه بقى يعني ليك 150 لتربنزين مدعم في الشهر:pty: ولو مش عجبك يأما تحول غاز أو تخبط راسك في الحيط أو تنزل الميدان)

رد: خبر هيخليني أفكر 100 مرة قبل ما اشتري اللوجان
 

اولا يا باشا تفكيرك بناء علي توقعات بس لو بتحسبها كده معالي الوزير موجود لحد ميبقي في مجلس شعب فقط وان لم تعدل الوزاره الرئيس مدته قربت علي النفاذ واعتقد ان لم يمكن شحن مده اخري يعني هيجلنا حكومه مختلفه لو نظره متشائمه ممكن تلغي الدعم علي كافه المستويات اما لو خدنا الموضوع بتفائل يمكن الحكومه تيجي محترمه وميحصلش حاجه بس حابب اقولك لو اشتريت العربيه قبل الخبر ده كنت هتعمل ايه ؟؟